Amavubi yahagarutse ku kibuga mpuzamahanga cy’indege
cya Kigali kiri i Kanombe mu gitondo cyo kuri uyu wa Kabiri tariki ya 10
Ugushyingo 2026. Amavubi yagiye n’indege yayo yihariye akaba
ariyo mpamvu yanajyane na bamwe mu bafana bayo barangajwe imbere n’umuyobozi
wabo Muhawenimana Claude.
Amavubi yari yahamagaye abakinnyi 29 gusa byarangiye
hasezerewe batanu ari bo Uwiyaremye Fidali, Muhire Kevin, Mugisha Yves, Ishimwe
Elie Ganijuru na Mbonyumwami Taiba, hasigara abakinnyi 24.
Muri 24 ariko harimo abazasanga abandi muri Mali ari bo
Bizimana Djihad ukinira CS Constantine, Mickels Joy-Lance wa Sabah FK,
Biramahire Abeddy wa Al-Batin FC, Kwizera Jojea wa Rhode Island, Mickels
Joy-Slad wa Karvan na Kativa Phanuel Mabaya wa Birmingham Legion.
Amavubi azakina na Mali ku wa 13 Ugushyingo 2026 i
Bamako mu mukino w’Umunsi wa gatatu w’itsinda K ubundi nyuma y’iminsi ine, ku
wa 17 Ugushyingo 2026, aya makipe yongere guhura mu mukino uzabera kuri Stade
Amahoro.
Kugeza ubu Amavubi ni yo ayoboye iri tsinda ryo gushaka
itike y’igikombe cya Afurika 2026 kizabera muri Kenya, Uganda na Tanzania aho
afite amanota 6 inganya na Mali ya kabiri.
