Uyu munsi wizihizwa hibukwa ibihe bikomeye byaranze amateka y'Abayahudi, birimo isenywa ry'Ingoro Ntagatifu ya mbere n'iya kabiri yari i Yerusalemu, ndetse n'andi makuba akomeye yabagizeho ingaruka mu bihe bitandukanye.
Uretse kwiyiriza ubusa, Abayahudi benshi banirinda ibikorwa byose bibashimisha. Ntibambara inkweto z'uruhu, ntibisiga amavuta cyangwa ibindi bisigwa ku mubiri, ndetse ntibakora imibonano mpuzabitsina. Benshi banicara hasi cyangwa ku ntebe ngufi mu rwego rwo kugaragaza agahinda no kwicisha bugufi.
Muri sinagogi, basoma igitabo cya Lamentations (Ekhah) gikubiyemo indirimbo z'ikababaro zigaragaza isenyuka rya Yerusalemu, banasenga basabira amahoro no kwibuka amateka y'igihugu cyabo.
Nubwo Tisha B'Av ari umunsi w'amarira n'icyunamo, abayoboke b'idini ry'Abayahudi bawufata nk'umwanya wo kwitekerezaho, kwihana no kongera kwizera ko ejo hazaza hashobora kuba heza kurushaho.
