Amarangamutima ya Tumukunde na Lesego begukanye amakamba muri Miss World 2024-AMAFOTO

Ijoro rya 09 Werurwe 2024 ntirizibagirana ku bakunzi b’imyidagaduro ishingiye ku bwiza cyane abari mu Jio World Convention Center bakurikiranye mu buryo  bw’imbonankubone ibirori byatangiwemo ikamba rya Nyampinga w’Isi ku nshuro ya 71.

Umukobwa wo muri Czech, Krystna  Pyszková ni we wegukanye ikamba rya Miss World 2024 naho Yasmnia Zaytoun aba  Igisonga cya Mbere anegukana ikamba rya Miss World Asia, tukaba twifuje kugaruka ku byishimo byagaragajwe n’abakobwa baje imbere bo muri Afurika.

Duhereye kuri Miss World Uganda 2024, Hannah Tumukunde Karema wagize ati "Ni intambwe ikomeye kuri Afurika, natewe ishema no guhagararira igihugu cyanje ku rubyiniro mpuzamahanga, nshishijwe bugufi n’ishimwe no gushima Miss World ku bw’aya mahirwe."

Yongeraho ati "Mwarakoze guha agaciro ibikorwa byanjye mukampa amahirwe akomeye yo kwerekana icyo nshoboye, mbasezeranije gukomeza kujya mbere nkagera ku byiza birenze."

Uyu mukobwa akaba yaraje mu bakobwa begukanye agace k’ubwiza bufite intego mu gihe kandi yanegukanye ikamba ry’Igisonga cya Mbere cya Miss World Africa anaza mu bakobwa 8 bavuyemo Nyampinga w’Isi.

Ku rundi ruhande Miss World Botswana na we yagaragaje ishimwe rikomeye ati "Mu kuri nabonye ibirenze ibyo narinyeneye, Mwarakoze Miss World kunyizereramo ko nabasha kugeza kure urumuri rw’icyizere kuri Afurika n’Isi yose."

Akomeza agira ati "Izadushoboze tubashe guhindura ubuzima bwa benshi binyuze muri gahunda y’ubwiza bufite intego, Isi yuzure urumuri n’icyizere maze ikomeze kujya mbere mu bumuntu."

Uyu mukobwa wabashije kuza muri ba Nyampinga bafite ubwiza bufite intego, akagera muri bane bavuyemo Nyampinga w’Isi,akaba ari nawe wambaye ikamba rya Miss World Africa, yakomeje ashima buri umwe wabigizemo uruhare byumwihariko abanya-Botswana bakomeje kumuba hafi.Aha Miss World 2024 Krystna yari afatanye mu kiganza na Miss World Africa LesegoMiss Hannah wo muri Uganda ni we wegukanye ikamba ry'Igisonga cya Mbere rya Miss World AfricaLesego wo muri Botswana yageze muri bane bavuyemo Miss  World 2024Abakobwa begukanye amakamba ya Miss World ku Migabane itandukanyeMiss World Africa Lesego yashimiye buri umwe wagize uruhare mu rugendo rwatumye aza imbere mu irushanwa ry'ubwiza rya Nyampinga w'isiMiss Hannah wa Uganda yerekanye ibyishimo bikomeye nyuma yo kwegukana ikamba no kuza mu bakobwa beza bafite ubwizaHannah Tumukunde na Lesego Chombo bahesheje ishema ryikubye Afurika