Amakipe 15 y’icyiciro cya kabiri azakomeza muri icyo cyiciro yamenyekanye nyuma y’imikino y’ijonjora rya mbere yakinwe mu mpera z’icyumweru dusoje ku bibuga bitandukanye mu gihugu.
Mu makipe 15 yabonye iyi tike ya 1/16, harimo amakipe 11 yabashije gutsinda imikino yayo byihuse ndetse n’amakipe ane(4) yatsinzwe bidakabije (Best Loosers).
Mu makipe yabashije gutsinda imikino yayo harimo; Vision Fc, Gasabo United, Vision JN, La Jeunesse, Kirehe Fc, Pepiniere Fc, Hope Fc, United Stars, Interforce Fc, Esperance SK na Sec Academy .Naho amakipe yatsinzwe mu buryo budakabije hazamo; Miroplast Fc, Heroes Fc, Intare Fc na Etoile de l’Est.
Muri iyi mikino y’ijonjora rya mbere amakipe nka Nyagatare FC na UR Huye Fc yatewe mpaga nyuma yo kutagera ku bibuga bari gukiniraho.UR Huye Fc yatewe mpaga na Kirehe Fc ibitego 3-0 naho Nyagatare Fc iyiterwa na Esperence FC.
Ikipe ya Nyagatare FC yatewe mpaga
Aya makipe uko ari 15 haziyongeraho Isonga FC abe amakipe 16 yo mu cyiciro cya kabiri hahite hiyongeraho amakipe 16 yo mu cyiciro cya mbere cy’umupira w’amaguru mu Rwanda.Tombola y’uko amakipe azahura muri 1/16 cy’irangiza izakorwa muri iki cyumweru nk’uko bigaragara ku rubuga rwa FERWAFA.Isonga FC ntiyigeze ikina imkino y'ijonjora rya mbere kuko yageze mu mikino ya 1/2 mu irushanwa riheruka.Mu guhatanira umwanya wa gatatu, iyi kipe yatsinzwe na APR FC ibitego 3-0.
Ikipe ya Police Fc niyo yatwaye iki gikombe mu mwaka ushize itsinze Rayon sports igitego 1-0 ku mukino wanyuma.Igitego cyatsinzwe na Habyarimana Innocent bita Di Maria kuri coup franc, mu mukino wakiniwe kuri sitade Amahoro i Remera tariki 4 Nyakanga 2015.
Ikipe ya Police Fc niyo yatwaye igikombe cy'Amahoro 2015
Ikipe itwaye igikombe cy’amahoro ihita ibona itike yo guserukira u Rwanda mu mikino nyafurika(Africa CAF confederation Cup 2017)
Dore uko imikino yagenze
Ku Cyumweru tariki ya 5 Kamena 2016
*Vision Fc 2-0 Akagera
*Etoile de l’est 1-1 Gasabo (penaliti 5-6)
*Vision JN 2-1 Rugende TC
*La Jeunesse 2-0 Aspor Fc
*Kirehe 3-0 UR Fc (Mpaga)
*Pepiniere Fc 1-1 Intare Fc (penaliti 7-6)
*Hope Fc 1-0 Heroes Fc
*Miroplast Fc 1-1 United Stars Fc (penaliti 3-4)
*Interforce Fc 5-0 Gitikinyoni Fc
*Sorwathe Fc 1-3 SEC Fc
*Esperance SK 3-0 Nyagatare Fc (Mpaga)
Rayon Sports yatsindiwe ku mukino wa nyuma w'igikombe cy'Amahoro 2015