Guhera tariki ya 2 kugeza tariki ya 5 Nzeri 2025 i Dar es Salaam muri Tanzania ni bwo hateganyijwe imikino ya CACAFA.
Kuri uyu wa Kabiri ni bwo abategura iri rushanwa bashyize hanze amakipe 12 azaryitabira arimo APR FC izaba ihagarariye u Rwanda.
Andi ni Vipers SC yo muri Uganda, El Merriekh SC Bentiu yo muri Sudani y’Epfo, Mlandege SC yo muri Zanzibar, Al Hilal yo muri Sudani, Police FC yo muri Kenya, Ethiopia Insurance yo muri Ethiopia, MCC FC yo muri Somalia, Aigle Noir FC yo mu Burundi, Young Africans SC na Simba SC zo muri Tanzania na ASAS Djibouti Telecom yo muri Djibouti.
Aya ni amakipe yatwaye ibikombe bya shampiyona mu bihugu byayo usibye Simba SC yo irimo bitewe n’uko ariyo mu gihugu kizakira irushanwa.
Umuyobozi wa CECAFA, Auka Gecheo yavuze ko bateganya kuzagira irushanwa rikomeye kuko amakipe menshi azarikoresha yitegura amarushanwa ari imbere ya CAF 2025/2026. Red Arrows yo muri Zambia niyo yegukanye CECAFA Kagame Cup iheruka itsinze APR FC ku mukino wa nyuma.
Amakipe arimo APR FC azitabira CECAFA Kagame Cup