AMAFOTO y’ifatwa ry’amashusho y’indirimbo Phil Peter yahurijemo Marina, Fireman, P Fla na Aime Bluestone

Mu ijoro ryo kuri uyu wa Gatandatu tariki ya 01 Mutarama 2022, ni bwo Phil Peter usanzwe ari umunyamakuru wa Isibo Tv yasohoye iyi ndirimbo iri mu njyana ya Afro na Amapiano Fusion.

Ni indirimbo avuga ko yasohoye mu rwego rwo gufasha Abaturarwanda n’abandi kwinjira neza mu mwaka mushya wa 2022 bizihiwe.

Asohora iyi ndirimbo, yashimye buri wese wagize uruhare mu ikorwa ry’iyi ndirimbo, by’umwihariko abahanzi bamutije amaboko.

‘Agafoto’ yabaye indirimbo ya kabiri Phil Peter akoranye na Marina nyuma y’indirimbo ‘Bimpame’ yabiciye bigacika kuva mu mpera za 2021 kugeza n’uyu munsi.

Dj Phil Peter aherutse kubwira INYARWANDA ko kongera gukorana indirimbo na Marina ari uko bahuza mu mashyi no mu mudiho.

Ati “Marina twarahuje cyane ku buryo muri studio kenshi tuba turi kumwe, mba nzi indirimbo ze nawe aba azi izanjye, ku buryo hari iyo twumva tukumva ni we uri kuburamo agahita aririmbamo."

Uyu munyamakuru wa Isibo Tv akavuga ko Marina ari inshuti ye y’igihe kirekire ku buryo baziranye na mbere y’uko uyu mukobwa yinjira mu muziki.

Akavuga ko Marina ari mu bigeze kwitabira irushanwa ‘Speciale Vacance’ yakoreraga kuri Radio Isango Star, ryashakishaga impano mu rubyiruko rushaka kwinjira mu muziki.

Ati “Marina hari ibintu byinshi by’amabanga tuziranyeho. Ni umuntu wanjye, gukorana nawe ni byiza." 

Phil Peter yahurije mu ndirimbo Marina, Fireman, P Fla na Aime Bluestone

Umuhanzi Aime Bluestone na Dj Phil Peter baganira n'umuraperi P Fla

Iyi ndirimbo ‘Agafoto’ yabyinnyemo ababyinnyi barimo Jojo Breezy na Shallom

Dj Phil Peter na Marina ni inshuti z’igihe kirekire mu muziki no mu buzima busanzwe

">