Aririmba avuga ko ‘Ubonye umugore mwiza aba abonye ikintu cyiza’ agasaba Imana ubwenge bwo kutajegajeza urukundo rwabo, akarenzaho ko ari ryo sengesho rye.
Uyu muhanzi agaragaza ibisa n’ubukwe bwe, yambitse impeta umukunzi we akamutetesha, bakoze ubukwe agaragiwe n’inshuti ze zirimo umuhanzi Emmy n’abandi.
Ubuzima bw’urukundo yaririmbye yabutangiye ku wa 22 Kanama 2020, ubwo yatangiraga gusohora amafoto y’umunezero w’urukundo arimo na Umuziranenge Liliane bemeranyije kubana nk’umugabo n’umugore.
Nta byinshi uyu muhanzi avuga, gusa avuga ko ariyo ntangiriro y’urugendo rwabo, akarenzaho ngo ‘Urukundo ruratsinda’.
Inshuti ze za hafi zirimo abahanzi, abanyamideli, abanyamakuru n’abandi bamwifurije kurushinga rugakomera.
Mu gihe cy’imyaka itatu Alpha amaze akundana n’uyu mukobwa ntiyigeze amugaragaza ku mbuga nkoranyambaga. Amakuru avuga ko kimwe mu byatumye amuhitamo ari uko Liliane akunda Imana n’abantu.
Bakoze ubukwe mu gihe indirimbo z'uyu muhanzi, ‘Anatenda’ imaze amezi umunani, ‘Long Distance’ imaze amezi 11 n’izindi.
Alpha Rwirangira yakoze ubukwe na Liliane Umuziranenge yise 'Juliet' ku wa 22 Kanama 2020
Liliane Umuziranenge, umukunzi wa Alpha Rwirangira barushinze ntiyari asanzwe azwi mu itangazamakuru
Alpha mu ndirimbo ye yise "Yes" yaririmbye asaba Imana ubuhanga n'ubwenge bwo kurinda urukundo rwe rushya
Alpha Rwirangira n'abasore bamuherekeje gucyura umutarutwa we, Liliane Umuziranenge
Umuhanzi Alpha Rwirangira ku munsi w'ubukwe bwe yari yambaye kinyarwanda
Alpha Rwirangira yari yambaye imyenda yiganjemo ibara ry'umweru ku munsi udasanzwe mu buzima bwe n'umukunzi we bakundanye imyaka itatu
Sabin, umwe mu basore baherekeje Alpha yizihije isabukuru y'amavuko uyu munsi
