Kuva muri Gicurasi 2026, amakuru yavugaga ko Alliah Cool na Lugumi Saidi bari mu rukundo yakomeje kuvugwa cyane, nubwo nta n’umwe muri bo wigeze abyemeza cyangwa ngo abihakane mu buryo bweruye.
Icyo gihe, bamwe mu bakoresha imbuga nkoranyambaga bashingiye ku kuba Lugumi Saidi yaratangiye gukurikira Alliah Cool kuri Instagram, ibintu byatumye benshi bakeka ko hagati yabo hari umubano udasanzwe.
Gusa kuri ubu ibintu byarahindutse. Iyo urebye kuri konti ya Instagram ya Lugumi Saidi, usanga atagikurikirana Alliah Cool. Ahanini asigaye akurikirana konti zifitanye isano n’ibikorwa bye by’ubucuruzi, harimo na kompanyi ye.
No ku ruhande rwa Alliah Cool, nawe ntabwo akigaragara mu bakurikira Lugumi Saidi kuri Instagram, ibintu byarushijeho gutuma hibazwa icyabaye hagati yabo.
Amakuru InyaRwanda yamenye kandi ni uko Alliah Cool yagiye asiba bimwe mu bitekerezo (comments) Lugumi Saidi yari yarashyize ku mafoto n’amashusho yagiye ashyira ku mbuga nkoranyambaga mu bihe bitandukanye.
Ibi bije nyuma y’igihe Lugumi Saidi yari amaze kuvugwa cyane mu Rwanda kubera inkuru z’urukundo rwamuhuzaga na Mutesi Jolly. Icyakora, nyuma y’igihe ayo makuru avugwa, bombi bahisemo kutagira byinshi batangaza ku mubano wabo.
Kugeza ubu, kuba Alliah Cool na Lugumi Saidi batagikurikirana ku mbuga nkoranyambaga ndetse bakaba baranashyizeho uburyo bwo kutongera kubona ibikorwa bya buri umwe, byatumye benshi bongera kwibaza uko umubano wabo wari uteye, nubwo Alliah Cool ashimangira ko nta rukundo rwigeze rubahuza.
Alliah Cool yagaragaje ko atigeze akundana na Lugumi Saidi, ndetse hari ubutumwa bwinshi bwe yagiye asiba kuri Instagram
Lugumi Saidi yagaragaje ko yakuye Alliah Cool mu bantu akurikira Kuri Instagram, nyuma y'uko muri Gicurasi 2026 agaragaje ko yamukunze
Alliah Cool yakuye Lugumi Saidi mu bantu akurikirana
Lugumi Saidi yakuye Allia Cool mu bantu akurikira kuri konti ye ya Instagram