Alicia Keys yavuze ko, n'ubwo hashize imyaka irenga 100 iri tegeko ritangiye gusabwa, abagore bo muri Amerika kugeza ubu badafite ingingo ibarinda mu buryo bugaragara mu Itegeko Nshinga ibizeza uburenganzira bungana n'ubw'abagabo.
Aya magambo ye yahise akurura impaka zikomeye ku mbuga nkoranyambaga. Hari abamushyigikiye bavuga ko hakiri ibibazo bireba uburinganire n'uburenganzira bw'abagore bikwiye gukemurwa binyuze mu Itegeko Nshinga, mu gihe abandi bamunenze bibaza uburenganzira abagore babura ugereranyije n'abagabo.
Hari kandi abagaragaje impungenge ku ngaruka iri tegeko rishobora kugira ku bibazo bimaze igihe bitavugwaho rumwe, birimo n'ibyerekeye abakinnyi bahinduye igitsina bitabira amarushanwa y'abagore.
Kuva ubu butumwa bwajya ahagaragara, bwakomeje gukwirakwira ku mbuga nkoranyambaga, aho abantu bakomeje gutanga ibitekerezo bitandukanye ku magambo ya Alicia Keys n'icyo ashaka ko cyahinduka mu mategeko ya Leta Zunze Ubumwe za Amerika.
Alicia Keys yateje impaka nyuma yo gusaba itegeko rishya rirengera uburenganzira bw'abagore