Umuraperi w’Umunyakanada Drake yongeye gukora amateka mu muziki nyuma y'uko album ye ICEMAN imaze kumvwa inshuro zirenga miliyari imwe kuri platform ya Spotify mu minsi 20 gusa kuva isohotse.
Aya makuru yatangajwe n’urubuga rwa HotNewHipHop, rwerekanye ko “ICEMAN” ibaye umushinga wa 18 wa Drake ugeze kuri iyi ntambwe ikomeye. Uyu mubare ugaragaza uburyo uyu muhanzi akomeje kugira igikundiro gikomeye ku bakunzi b’umuziki ku isi yose.
Nk'uko amakuru yatangajwe abigaragaza, iyi album yabashije kugera kuri miliyari imwe y’abayumvise mu minsi 20 gusa, bituma iba album ya kabiri ya rap yihuse kurusha izindi zose mu mateka ije ikurikiye indi ye nayo yitwa "SCORPION"mu guca agahingo.
Album "ICEMAN" ya Drake iriho indirimbo 18 zose harimo "Make Them Cry," "Dust," "Whisper My Name," "Janice STFU," ndetse na "Ran To Atlanta" yakoranye na Future na Molly Santana.
Album “ICEMAN” ya Drake yaciye agahigo ko kumvwa inshuro miliyari imwe kuri Spotify mu minsi 20 gusa