Amakuru ava muri Manchester United avuga ko Rutahizamu wayo Rasmus Hojlund yagize imvune mu mikaya, imvune izakira hagati y'ibyumweru bibiri na bitatu.
Manchester United iheruka gutwara amanota atatu iri gukina na Luton Toun, icyo gihe amanota Manchester United yayakesheje ibitego bibiri byatsinzwe n'uyu Rutahizamu ukomoka muri Denmark. Rasmus Hojlund mu mikino itandatu yikurikiranya yari amaze gutsinda ibitego birindwi.
Mu mpeshyi, nibwo Rasmus Hojlund yavuye muri Atlanta yo mu Butaliyani, yerekeza kuri Old Trafford aguzwe Miliyoni 72€. Uyu mukinnyi, umutoza yamuguze avuga ko azavamo Rutahizamu w'akataraboneka.
Manchester United, kuri uyu wa Gatandatu iraza kwakira Fulham kuri Old Trafford idafite uyu Rasmus Hojuland wari umaze kuba inzozi mbi ku makipe yahuye nayo.Kandi izakina umukino wa FA Cup ku wa Gatatu na Nottingham Forest idafite Rasmus Hojlund.
Biteganyijwe kandi ko Manchester United ishobora gukina na Manchester City uyu rutahizamu ataragaruka, ndetse akanasiba umukino wa Everton.
Umutoza wa Manchester United Eric Ten Hag yagize ati " Rasmus Hojlund yagize imvune yoroheje, gusa izafata hagati y'ibyumweru bibiri na bitatu.
Ati" Ntabwo ari imvune ikomeye, gusa agomba kugira imikino adakina.
Rasmus Hojlund wasinye amasezerano y'imyaka itanu muri Manchester United, amaze kuyikinira imikino 30 mu marushanwa yose, uyu amaze kuyitsindira ibitego 13, harimo bitanu yatsinze mu mikino ya UEFA champions league.
Rasmus Hojlund akigera muri Manchester United, yabanje gufatwa nk'umuswa, dore ko imikino 14 ya mbere yakinnye muri English Premier League, nta gitego na kimwe yatsinze.
Rasmus Hojlund, mu mikino itandatu aheruka gukina, yagize ibihe bidasanzwe, dore ko amaze gutsinda ibitego birindwi na assist abyiri.
Nyuma y'uko Rasmus Hojuland yamaze kuvunika, Rutahizamu wakagombye kumusimbura ni umufaransa Anthony Martial, gusa uyu mukinnyi nawe yaravunitse.
Umukinnyi Manchester United yizeye ko yayitabara muri iyi minsi, ni umunya-Scotland Scott McTominay umaze gutsinda ibitego umunani mu mikino yose Yakiniye United muri uyu mwaka w'imikino.
Scott McTominay, niwe ukurikira Rasmus Hojlund mu batsindiye Manchester United ibitego byinshi muri uyu mwaka w'imikino.
Rasmus Hojlund amaze kwigarurira imitima y'abafana ba Manchester United, yagize imvune izakirira hagati y'ibyimweru bibiri na bitatu
Ten Hag muri iyi minsi afite akazi gakomeye ko gukina adafite Rasmus Hojlund