Amakuru avugwa mu binyamakuru byandika inkuru z'imikino ku mugabane w'iburayi, reka tuyahere mu Kinyamakuru Football Insider cyanditse ko Arsenal yeteguye kwakira Miliyoni 30£ kuri Emile Smith Rowe, umwongereza w'imyaka 23 y'amavuko ukina mu kibuga hagati.
Athletic yagarutse kuri Arsenal, yandika ko iyi kipe yiteguye gutandukana n'umwongereza w'imyaka 24 y'amavuko Reiss Nelson, bityo ko ikipe yose yaba imwifuza yemerewe gutangira ibiganiro na Arsenal.
Telegraph yavuze ko ko Aston Villa yatanze uburenganzira kuri Chelsea kugira ngo itangire iganirize umunya Colombia w'imyaka 20 y'amavuko John Duran.
The Guardian yagarutse ku nkuru ya Jhon Duran na Chelsea ivuga ko Chelsea iri muri gahunda yo kubakira ku bakinnyi bakiri bato, igomba kwegukana umunya Colombia Jhon Duran.
Sky Sports yatangaje ko Aston Villa izakina UEFA Champions League, yifuza umukinnyi wa Chelsea Ian Masten, gusa uyu mukinnyi akaba ari intizanyo muri Brussia Dortmund.
Aston Villa yakatishije itike yo gukina UEFA Champions League nyuma yo kugaragara mu makipe ane ya mbere muri Shampiyona yo mu Bwongereza 'English Premier League'.
Daily Mail yavuze ko Everton yiyongereye ku makipe yifuza umwongereza Tammy Abraham wa AS Roma. Ayo makipe amwifuza ni Aston Villa, Tottenham Hotspur na West Ham United.
ESPN yatangaje ko ibiganiro bya Manchester United na Jarrad Branthwaite wa Everton byatangiye kugenda biguruntege, kubera ko Everton yatangiye itera utwatsi 'Bid' ya mbere ya Miliyoni 35 Manchester United yari yatanze muri Everton.
Team Talk yatangaje ko Chelsea yiteguye gutanga igikenewe cyose kugira ngo yegukane Umufaransa w'imyaka 21 y'amavuko Michael Olise ukinira Crystal Palace.
Football Insider yatangaje ko Manchester City yakuriye inzira ku murima amakipe arimo Atletico Madrid, iyatangariza ko idateze kwakira igitekerezo na kimwe kivana rutahizamu Julian Alvarez muri Manchester City.
Emile Smith Rowe na Reiss Nelson ni abakinnyi bari ku isoko muri Arsenal
Chelsea yahawe uburenganzira bwo kuganiriza umukinnyi muto Jhon Duran wa Aston Villa ukomoka muri Colombia
Manchester City yatangaje ko nta gahunda ifite yo gutakaza na Julian Alvarez