Achraf Hakimi na Mohamed Salah mu bahataniye igihembo cy’Umukinnyi w’Umwaka muri Afurika

Buri mwaka CAF itanga ibihembo mu byiciro bitandukanye birimo; icy’umukinnyi w’umwaka (abagabo n’abagore), umutoza w’umwaka, ikipe y’Igihugu y’Umwaka, ikipe y’Umwaka, n’umukinnyi ukiri muto w’umwaka.

Kuri ubu yashyize hanze urutonde rw’abakinnyi 30 bahataniye igihembo cy’umukinnyi mwiza wa 2025 mu bagabo. Muri abo bakinnyi harimo Mohamed Salah ukomoka mu Misiri akaba akinira Liverpool yo mu Bwongereza, Achraf Hakimi ukomoka muri Morocco akaba akinira Paris Saint-Germain aho ari na bo bahabwa amahirwe menshi yo kucyegukana.

Harimo kandi na Victor Osimhen ukomoka muri Nigeria akaba akinira Galatasary yo muri Turukiya na Fiston Kalala Mayele ukinira Pyramids FC nk’umwe mu bakinnyi bamaze igihe bitwara neza ku mugabane wa Afurika.

Ibizagenderwaho hatangwa iki gihembo ni ibyo aba bakinnyi bakoze kuva tariki ya 6 Muatarama kugeza tariki ya 15 Ukwakira 2025.

Ibirori byo gutanga ibi bihembo biteganyijwe kuzabera mu murwa mukuru wa Maroc, Rabat, ku wa 15 Ukuboza 2025.

Abakinnyi bose bahatanye ni;

•        Andre Frank Zambo-Anguissa (Cameroon/Napoli)

•        Fiston Mayele (DR Congo/Pyramids)

•        Mohamed Salah (Egypt/Liverpool)

•        Denis Bouanga (Gabon/Los Angeles FC)

•        Serhou Guirassy (Guinea/Borussia Dortmund)

•        Achraf Hakimi (Morocco/Paris Saint-Germain)

•        Oussama Lamlioui (Morocco/RS Berkane)

•        Victor Osimhen (Nigeria/Galatasaray)

•        Iliman Ndiaye (Senegal/Everton)

•        Pape Matar Sarr (Senegal/Tottenham Hotspur)

Abakinnyi bahataniye igihembo cy'umukinnyi w'umwaka muri Afurika