Myugariro Leny Yoro yabonye izuba ku itariki 13 Ugushyingo 2005, avukira mu gace ka Saint-Maurice mu Bufaransa.
Leny Yoro ubu utegereje gukinira ikipe y'igihugu y'u Bufaransa, dore ko yayikiniye mu bato, agatera mugongo Côte d'Ivoire igihugu ababyeyi be bakomokamo.
Mu 2011 ubwo Leny Yoro yari afite imyaka itandatu, nibwo yatangiye urugendo rwo gukina umupira w'amaguru, aho yarutangiriye mu ishuri rya Alfortville, aho yarimazemo umwaka umwe gusa, akarivamo muri 2012.
Mu 2012 Leny Yoro yakomereje mu ishuri ry'abakiri bato rya Villeneuve-d'Ascq, iyi academy akaba yarayikiniye kugera muri 2017.
Mu 2017 Leny Yoro yagiye muri Lille, ari nayo akinira kugeza ubu, ariko kugeza mu 2022 yakinaga mu bakiri bato.
Mu 2022, Leny Yoro yatangiye guhabwa umwanya muri Lille B, cyangwa ikipe ya kabiri, nuko ayikinira imikino 13 nta gitego yayitsindiye kuko yari myugariro.
Mu 2023, Leny Yoro yahawe umwanya muri Lille nkuru, ubu amaze kuyikinira imikino 46, yayitsindiye ibitego bibiri.
Umwaka umwe w'imikino Leny Yoro w'imyaka 18 y'amavuko akiniye Lille nkuru, amakipe arangajwe imbere na Real Madrid, Manchester United, Tottenham Hotspur na Liverpool, zatangiye gushaka uburyo imwe muri aya yakwegukana uyu myugariro.
Leny Yoro ntabwo arahamagarwa mu ikipe y'igihugu y'u Bufaransa nkuru, gusa yayikiniye mu bakiri bato.
Mu 2021 Leny Yoro yakiniye u Bufaransa mu batarengeje imyaka 17, akina umukino umwe gusa.
Kuva mu 2022, Leny Yoro yatangiye gukinira u Bufaransa mu batarengeje imyaka 18 ubu amaze kubakinira imikino itanu, 2023 atangira kubukinira imikino mu batarengeje imyaka 19, ubu amaze kubakinira imikino ibiri, 2023 kandi Leny Yoro yatangiye gukinira u Bufaransa mu batatengeje imyaka 21 aho amaze kubukinira imikino ine.
Leny Yoro nk'umukinnyi muto uri kuzamuka neza muri Lille, Real Madrid imubona nk'umusimbura wa Sergio Ramos, Manchester United ikamubonamo umusimbura wa Nemanja Vidic, naho Liverpool ikamubonamo umusimbura wa Virgil van Dijk
Real Madrid ibona Leny Yoro nk'umukinnyi mwiza wasimbura Sergio Ramos
Manchester United, ibona Leny Yoro yabibutsa Nemanja Vidic
Liverpool ibona nta wundi ukwiye gusimbura Virgil van Dijk, uretse Leny Yoro
Umufaransa Leny Yoro w'imyaka 18 y'amavuko, akomeje kwifuzwa n'amakipe akomeye arangajwe imbere na Real Madrid