Iyi
mibare ikubiye muri raporo yiswe Rwanda Vital Statistics Report yashyizwe hanze
kuri uyu wa Gatanu tariki 17 Mata 2026.
Raporo
igaragaza ko 55.9% by’abapfuye mu 2025 bapfiriye hanze y’ibigo nderabuzima, aho
ari mu midugudu n’ingo zabo.
Urwego
rwo kwandikisha impfu (death registration completeness) rwageze kuri 50.5% mu
2025, ruva kuri 46.1% mu 2024, bigaragaza izamuka rya 4.4%.
Hagaragajwe
kandi ko abagabo bapfa ari benshi kurusha abagore, aho abagabo 127 bapfa ku
bagore 100.
Mu
mijyi, abenshi bapfira mu mavuriro (58.6%), mu gihe mu cyaro benshi bapfira mu
ngo (61.3%).
Indwara zitandura
ni zo ziza imbere
Mu
mpamvu zitera impfu, indwara zitandura (non-communicable diseases) ni zo
ziyoboye, zica 49.5% by’abapfira mu mavuriro na 58.8% by’abapfira mu baturage.
Impamvu
zituruka ku mpanuka n’ibikomere (external causes) zigaragara cyane mu bapfira
mu baturage (14.3%) kurusha mu mavuriro (10.5%).
Ku
rundi ruhande, indwara zandura (communicable diseases) zigaragara cyane mu
bapfira mu mavuriro (40%) kurusha mu baturage (26.9%).
Iyi
raporo inagaragaza ko ireme ry’isuzuma ry’impamvu z’urupfu ryazamutse mu
mavuriro, riva kuri 64.7% mu 2024 rigera kuri 82.3% mu 2025.
Abana bavuka
barenga ibihumbi 356
Ku
bijyanye n’ivuka, mu 2025 handitswe abana 356,838 bavutse.
Urwego
rwo kwandikisha abana bavutse rwazamutse rugera kuri 92.9% ruvuye kuri 90.3% mu
2024. Muri abo bana, 99.1% bandikishijwe mu minsi 30 ya mbere, nk’uko byari
bimeze no mu 2024.
Icyakora,
ibipimo by’uburumbuke (fertility) byagabanutseho gato.
Crude
Birth Rate [igipimo kigaragaza umubare w’abana bavuka mu mwaka umwe
ugereranyije n’abaturage bose b’igihugu] yagabanutse igera kuri 27.2‰ ivuye
kuri 27.4%.
General
Fertility Rate [Ishingira ku bagore bashobora kubyara gusa akenshi bafite
imyaka iri hagati ya 15 na 49] iva kuri 103.7% igera kuri 103.0%.
Total
Fertility Rate [Impuzandengo y’umubare w’abana umugore umwe ashobora kubyara mu
buzima bwe bwos] iva kuri 3.6 igera kuri 3.5.
Raporo
igaragaza ko impuzandengo y’ibiro umwana avukana ari 3,070g, hafi y’ibyari mu
2024 (3,084g).
Abana
bavukana ibiro bicye (low birth weight) biyongereyeho gato, bagera kuri 8.1%
bavuye kuri 7.8%.
Ku
kijyanye n’igitsina, havutse abahungu benshi kurusha abakobwa, aho abahungu
102.7 bavuka ku bakobwa 100.
Mu
2024, Abaturarwanda 36,021 ni bo bapfuye, barimo abagabo 19,843 n’abagore
16,178.
Ibi bigaragaza ko umubare w’abapfuye mu 2025 wazamutseho ugereranyije n’umwaka wabanje, nubwo na bwo imibare y’abavutse ikomeje kuba iri hejuru cyane.
Mu
2025 mu Rwanda: Hapfuye abarenga 39,000, havuka abarenga 356,000 — imibare
igaragaza impinduka zikomeye mu buzima bw’abaturage