Mu kwezi kwa kabiri uyu mwaka ni bwo hatanzwe amahugurwa y’Abatoza agamije guhindura ahazaza h'umupira w'amaguru mu Rwanda. Ni amahugurwa yatanzwe ku bufatanye na Minisiteri ya Siporo, Urwego rw’igihugu rw’Iterambere (RDB) binyuze muri Visit Rwanda n’ikipe ya Atletico Madrid.
Ikipe ya tekiniki ya Atlético Madrid yatanze amahagurwa ku batoza b’abakiri bato ari na ko itoranya abatoza bazahabwa ubumenyi bwisumbuyeho muri Espagne. Yahise itoranya abatoza 13 barimo Haruna Niyonzima wakiniye Amavubi n’andi makipe yo mu Rwanda no hanze.
Mu bandi batoranyijwe harimo Sifa Gloria Nibagwire nawe wakiniye amakipe arimo Amavubi y’Abagore, Innocent Murwanashyaka, Iragena Oscarie, Joseph Junior Rutagengwa, Nadia Bugenimana, Blaise Itangishaka, Nicolas Hakizimana, Darius Hirwa, Damascène Nsengiyumva, Emmanuel Coman Mugisha, Schadrack Nsengayire na Shema Bravo.
Ejo aba batoza bose batangiye urugendo rw’amahugurwa ruzamara amezi 9 aho hari n’igihe kizagera bakagira ayo bajya gufatira muri Espagne bayahabwa na Atletico Madrid. Aya mahugurwa agamije gutanga ubumenyi mu byatekinike n’ubunarabibonye kugira ngo hatezwe imbere umupira w’amaguru mu Rwanda haherewe ku mpano z’abakiri bato.
Abatoza 13 batoranyijwe barimo Haruna Niyonzima batangiye amahugurwa azamara amezi 9
