Abanyarwenya Soloba na Mitsutsu bakoranye indirimbo y’urukundo bise ‘Wallah’-VIDEO

Navy yabwiye InyaRwanda ko yanditse iyi ndirimbo ashaka kuvuga ku musore ukunda umukobwa byimazeyo akifuza ko babyarana abana.

Ati “Iyi ndirimbo yanditswe nanjye irimo ubutumwa bwiza bw’urukundo mbega kumwe umusore aba akunda umukobwa by’akataraboneka yifuza ko babana nyamara umukobwa atiteguye."

Uyu musore yavuze ko yafatanyije na mugenzi we Mitsutsu kubera ko ari ‘umunyempano utangaje’. Bombi bakunze guhurira muri filime bashwana.

Ati “Buriya rero Mitsutsu ni umunyempano zitangaje nifuje ko dufatanya mu ndirimbo cyane ko yanagize uruhare mu itunganywa ryayo mu buryo bw’amashusho byari byiza rero gukorana nawe."

Soloba Navy kugeza ubu akaba anafite inzu ifasha abanyempano batandukanye yitwa ‘Navy Filmz’ ari nayo Mitsutsu abarizwamo.

Uyu musore kandi mu gihe kitari gito amaze muri filimi n’umuziki yagiye afasha abahanzi batandukanye.

Mubo yafashishije Soloba Navy abandikira indirimbo bazwi kurusha abandi ni Rema Namakulah wo muri Uganda na MC Tino.

Nubwo hari ni izindi ndirimbo zitandukanye asanzwe afite ariko iyitwa ‘Wallah’ ahamya ko ariyo ndirimbo yavuga ko imwinjije mu ruhando rwa muzika.

Mitsutsu aherutse kubwira InyaRwanda ko yahuye na Soloba biturutse kuri filime ya Killerman. Ati “Soloba yitwaga Navy twese dukinana muri Killaman baramuhimbye izina rya Ndogo, yambwiye ko abantu batari kumumenya mubwira ko ngiye gushinga shene yanjye kandi nzamufasha kuko yari yatangiye gucika intege.

“Mubwira ko nzamushakira izina. Turi gukina mu bice bya mbere bya filime zanjye sinzi ukuntu yavuze akantu ka Soloba, aba ariryo zina muha.’’

Yavuze ko kuba umunyarwenya yabitangiye mu myaka ine ishize, afashijwe na mugenzi we Nyaxo afata nk’umugiraneza akamugereranya n’Umusamariya uvugwa muri Bibiliya.

Ati ‘‘Kuba umunyarwenya, byaturutse kuri Nyaxo wambereye nk’Umusamariya. Nyuma naravuze nti nanjye nabigerageza mu bundi buryo butandukanye n’ubwe nkareba ko byakunda, ngize ishaba abantu barabikunda. Nahuye nawe mu 2018, mu 2020 ntangira gukina ku giti cyanjye.’’

Mitsutsu na Soloba Navy bakoranye indirimbo y'urukundo bise "Wallah"

Bose babarizwa muri Navy Filmz imwe muri Label zitanga icyizere muri filimi n'umuziki nyarwandaSoloba ahamya ko indirimbo yakoranye na Mitsutsu yavuga ko ariyo ya mbere akozeHirya ya filimi, berekanye ko banashoboye umuziki bashyira hanze indirimbo

KANDA HANO UREBE AMASHUSHO Y'INDIRIMBO 'WALLAH' YA SOLOBA NA MITSUTSU

">