Iki
gikorwa kizaba ku wa Gatandatu tariki ya 9 Gicurasi 2026, kikazabera muri
Kaminuza ya Buffalo State University iherereye mu Mujyi wa Buffalo, muri Leta
ya New York muri Leta Zunze Ubumwe za Amerika.
Iki
gikorwa kizatangira saa saba z’amanywa (1:00 PM) kugeza saa kumi n’imwe (5:00
PM), kikazabera mu nyubako ya Social Hall/Campbell Student Union Hall iri kuri
1300 Elmwood Avenue.
Abateguye
iki gikorwa batangaje ko kigamije kwibuka no kuzirikana abazize Jenoside
yakorewe Abatutsi, ariko kandi kikaba n’umwanya wo guhuriza hamwe Abanyarwanda
n’inshuti z’u Rwanda kugira ngo bongere gushimangira ubumwe, ukuri n’ubumuntu.
Mu
butumwa bwatanzwe n’abateguye iki gikorwa, bagaragaje ko n’ubwo hashize imyaka
32 Jenoside yakorewe Abatutsi ibaye, amateka yayo akomeje kuba isomo rikomeye
ku Isi yose, by’umwihariko mu kurwanya ingengabitekerezo ya Jenoside no
guharanira ko Jenoside itazongera kubaho ukundi.
Bagize
bati: “Kwibuka si ukwibuka gusa, ni no kongera kwiyemeza kubaho dushyira imbere
ukuri, icyubahiro n’ubumuntu, ndetse no gufasha abarokotse gukomeza urugendo
rwo kwiyubaka.”
Iki
gikorwa kizitabirwa n’Abanyarwanda batuye muri ako gace, inshuti z’u Rwanda
ndetse n’abandi bose bazifatanya mu kuzirikana amateka no gushyigikira
abarokotse Jenoside yakorewe Abatutsi mu 1994.
Byitezwe
ko hazatangwa ibiganiro bitandukanye bigaruka ku mateka ya Jenoside,
ubudaheranwa bw’abarokotse, ndetse n’inshingano za buri wese mu kurwanya
ingengabitekerezo yayo aho yaba iri hose.
Abifuza
amakuru arambuye kuri iki gikorwa bashobora gusura urubuga rwa IBUKA USA
cyangwa bakavugana n’abarimo Rev. Dr Emmanuel Ganza uri mu bateguye iki
gikorwa.
Abateguye
iki gikorwa basabye buri wese kwitabira, bagaragaza ko “kwibuka ari inshingano
ya twese, kandi ko kuba hamwe muri ibi bihe bitanga imbaraga zo gukomeza
urugendo rwo kubaka ejo hazaza heza hadashingiye ku rwango n’ivangura.”
Abanyarwanda
batuye muri Western New York, igice cya Leta ya New York giherereye mu
burengerazuba kirimo imijyi nka Buffalo bagiye kwibuka ku nshuro ya 32 Jenoside
yakorewe Abatutsi, igikorwa kizabera muri Buffalo State University