Uru rutonde rwashyizwe hanze n'impuzamashyirahamwe y'umupira w'amaguru 'CAF' ruriho abasifuzi bo mu kibuga hagati barimo Uwikunda Samuel umaze kumenyera imikino mpuzamahanga, mu gihe kandi ku basifura ku ruhande harimo Mutuyimana Dieudonne.
Uretse aba bazifasishwa mu gusifura mu kibuga, hari kandi Ntagungira Celestin 'Abega' washyizwe ku rutonde rw'abantu batandatu bazifashihwa mu kugenzura ishyirwa mu bikorwa ry'amabwiriza ku mikino (Instructors).
Uwikunda Samuel ni umwe mu basifuzi beza mu Rwanda
Biteganijwe ko imikino ya CHAN 2022 izitabirwa n'amakipe 18 y'ibihugu, izakinwa uhereye ku ya 13 Mutarama 2023 ikarangira tariki 4 Gashyantare, nyuma y'uko yakuwe mu minsi ya Nyakanga 2022, aho yari iteganijwe kuba ariko igakomwa mu nkokora na gahunda nyinshi za CAF.
Uko amakipe yatomboranye mu matsinda:
- Itsinda A: Algeria, Libya, Ethiopia na Mozambique
- Itsinda B: DRCongo, Ivory Coast, Uganda na Senegal
- Itsinda C: Morocco, Sudan, Madagascar na Ghana
- Itsinda D: Mali, Angola na Mauritania
- Itsinda E: Cameroon, Congo na Niger
Mu rugendo rwerekeza i Alger ahazabera imikino ya nyuma ya CHAN 2022, Amavubi y' u Rwanda yasezerewe na Wallia Ibex ya Ethiopia ku giteranyo cy'imikino ibiri, aho Ethiopia yatsinze igitego 1 ku busa bw' u Rwanda.