Ibi byatangajwe na Minisiteri y'ubuzima muri Gaza igenzurwa na Hamas.
Kimwe muri ibi bitego byagabwe ubaze amasaha 24 kugeza ejo saa Sita z'Amanywa, cyahitanye abantu nibura 11, barimo n'abana.
Cyagabwe iruhande rw'ikibuga cyo mu mujyi wa Gaza, nk'uko abakozi bo ku bitaro bya Al-Shifa hamwe n'ababibonye babibwiye ibiro ntaramakuru binyuranye.
Icyo kibuga cyakoreshwaga mu gucumbikira abantu bataye ingo zabo, baba mu mahema.
Amashusho yafashwe na BBC agaragaza abantu barimo gucukura bakoresheje ibiganza ndetse n'ibitiyo barimo bashakisha imirambo kuri iki kibuga dore ko yari yagiye munsi y'umucanga.
Nubwo ibi byabaye ariko Perezida w'Amerika, Donald Trump yavuze ko yizeye ko agahenge gashobora kwemeranywaho mu Cyumweru gitaha.
Abahuza bo muri Qatar bavuze ko bizeye ko igitutu cy'Amerika gishobora gutuma amasezerano agerwaho, nyuma y'agahenge hagati ya Israel na Irani kashoje intambara yamaze iminsi 12 hagati y'ibihugu byombi.
Muri Werurwe uyu mwaka, agahenge k'amezi abiri karenzweho ubwo Israel yagabaga ibitero bishya muri Gaza.
Ayo masezerano y'agahenge – yatangiye ku itariki ya 19 Mutarama yari yashyizweho kugira ngo akurikizwe mu byiciro bitatu, ariko ntiyarenze icyiciro cya mbere.