Abakinnyi babiri bashya ba Rayon Sports babonye ibyangombwa bimerera kuzakina na APR FC kuri Super Cup

Ku wa Gatandatu saa Kumi n'Ebyiri n’iminota 30 muri Stade Amahoro ni bwo Rayon Sports izacakirana na mukeba wayo, APR FC ku mukino wa Super Cup ya 2025. Murera igiye kujya muri uyu mukino nyuma y’uko isinyishije abakinnyi 6 bashya. Abakinnyi bazakina uyu mukino ni abafite ibyangombwa bibemerera kuba abakinnyi b’aya makipe yombi.

Muri aba bakinnyi bashya Rayon Sports yasinyishije, Faustin Likau Kitoko ‘Pizzaro ukomoka muri Repubulika Iharanira Demokarasi ya Congo na Ben Aziz Dao ukomoka muri Burukina Faso, ni bo bamaze kubona ibi byangombwa (International Transfer Certificate). Bivuze ko bemerewe gukoreshwa kuri uyu mukino wa APR FC na Rayon Sports.

Abandi bane ari bo Kwizera Olivier, Ramazani Tshimanga Tshilembi, Yannick Bangala Litombo na Bienvenu Joachim Vignnou nabo basabwe ibi byangombwa ariko ntibiraboneka.

Rayon Sports irimo irashakira aba bakinnnyi ibyangombwa mu gihe irimo iranatandukana n’abandi dore ko kugeza ubu imaze gutandukana na Harerimana Abdelaziz. Ni mu gihe Niyonzima Olivier Sefu na Musore Prince nabo bari mu nzira yo muri iyi kipe.

Faustin Likau Kitoko ‘Pizzaro' yemerewe kuzakina na APR FC

Ben Aziz Dao yemerewe kuzakina Super Cup ya 2025