Twifashishije urubuga Elcrema.com, twaguteguriye ibintu 14
wakora umugabo cyangwa umukunzi wawe akiyumva mo umwihariko w’urwo umukunda.
1. Jya
ukunda kumugaragariza ibintu ukunda bimwerekeyeho aho guhora ucecetse ntacyo
ushima nta n’icyo ugaya. Kumwereka ibyo ukunda bimutera akanyamuneza
akabona ko umwitaho.
2. Izere
inzozi cyangwa ibitekerezo bye ndetse unamufashe kubigeraho. Ntukamere nka
bamwe bahora bavuga bati ibi uzabigeraho ingurube yarebye hejuru n’andi
magambo y’urucantege.
3. Murinde
kumva yigunze cyangwa ari wenyine. Umube hafi mukine, museke, mwishime.
4. Jya
ukunda kumuhobera kandi umukomeze yumve aryohewe n’urukundo. Kandi
ntugategereze ko ari we ugushotora, jya nawe ubitangiza umwereke ko ubikeneye.
5. Ntukamusuzugure
igihe hari abandi bantu, ahubwo ni ho wakamweretse ko umushyigikiye kabone
n’ubwo byaba atari byo ubimubwira mwiherereye ukamwereka aho akosora.
6. Jya umugirira ikizere kandi
ubimwereke
7. Muhe
akanya ko guhura no kuganira n’inshuti ze kandi ukore ibyo akunda. Ntukabe
nka bamwe bugoroba agatangira kumubaza ngo ubwo uracyari he? Akazi
ntikararangira?
8. Mubere
akabando yakwicumba igihe ahuye n’ikibazo. Ntukabe ari wowe umwihakana
ahubwo ni wowe wo kumukomeza.
9. Ntugatsimbarare ku makosa ngo ukuririze intonganya ahubwo haranira ko
ikitagenze neza mugikemura vuba kive mu nzira kandi bikorwe mu biganiro nta
ntonganya.
10. Ambara neza igihe cyose. Ntugatume yumva atewe isoni n’uko abandi
bakubona bitewe n’imyambarire ya we. Iyo wambara neza bituma yumva ari
umwihariko kugira umugore nka we.
11. Gerageza kubana n’inshuti n’umuryango we kandi nawe ubiyumvemo.
Umugore mwiza yagura umuryango ntabwo awuca ngo usange urugo rwari nyabagendwa
ntawe ukirugeramo kubera umugore mubi.
12. Jya
wibuka iminsi y’ingenzi mu buzima bwe umufashe kuyishimira ni biba ngombwa
umuhe n’impano mwishimane.
13. Gira uruhare mu bikorwa bye byiza. Niba akunda gufasha nawe
umufashe gufasha, niba akunda gusura abarwayi umushyigikire, yumva ko ari
umwihariko kuri wowe akanumva ko utamuca inyuma igihe mu huza byinshi kandi
mwumvikana.
14. Jya uterwa ishema no kumuhobera unamusome mu ruhame. Abagabo
bakunda abantu babagaragariza ko babakunda mu ruhame.
Umwanditsi: Clementine Uwiringiyimana-inyarwanda.com