Amashusho yakwirakwiye ku mbuga nkoranyambaga agaragaza abo bagabo bombi bashyamiranye hagati y’aho abagenzi bicara, umwe akubita undi inshyi n’ibipfunsi. Abari hafi yabo bakomeje kureba ibyabaga, mu gihe bamwe bageragezaga kwirinda kugira uruhare muri iyo mirwano.
Amakuru agaragaza ko intonganya zabanje kuba hagati yabo ari zo zaje gukura zikavamo imirwano. Umwe muri bo wari wambaye umupira w’umukara yakubise mugenzi we wari wicaye ku murongo wari inyuma ye, nyuma bombi batangira kurwana.
Muri iyo mirwano, imyambaro y’umwe muri abo bagabo yarashwanyaguritse, bigaragaza ubukana bw’iyo mvururu.
Abakozi bo mu ndege bahise batabara kugira ngo bahagarike iyo mirwano no gukemura ikibazo. Umuvugizi w’indege yavuze ko abakozi b’indege bashoboye gukemura ikibazo.
Kugeza ubu, impamvu nyayo yateje intonganya ntiramenyekana, ndetse na New York Post ivuga ko bitaramenyekana niba hari umwe muri abo bagabo wakomeretse cyangwa niba hari igihano bafatiwe nyuma y’uko indege igereye i Londres.
Abagenzi babiri barwanye mu ndege iri mu kirere