Ababyeyi ba Burna Boy bizihije imyaka 36 bamaze bashyingiranywe

Bose Ogulu, akaba ari na we uhagarariye inyungu z’umuhungu we Burna Boy mu bikorwa bye by’umuziki, yasangije ababakurikira kuri Instagram amafoto meza y’aba bombi, agaragaza ibyishimo batewe no kwizihiza isabukuru y’ubukwe bwabo.

Mu butumwa yaherekeje amafoto, Bose Ogulu yavuze ko umugabo we Samuel Ogulu ari “inshuti ye magara ndetse akaba na se w’abana udasanzwe.” Yavuze ko imyaka 36 bamaze mu rugo rwabo yaranzwe n’urukundo, ubucuti n’ibihe byinshi bitazibagirana.

Bose Ogulu kandi yakomeje kugaragaza ko yishimira urugendo rw’imyaka 36 bagiranye, ashimangira umubano ukomeye umaze igihe hagati ye n’umugabo we.

Samuel na Bose Ogulu ni ababyeyi ba Burna Boy, umwe mu bahanzi bakomeye muri Afurika wamenyekanye ku rwego mpuzamahanga binyuze mu njyana ya Afrobeats.

Ababyeyi ba Burna Boy bizihije imyaka 36 bamaze bashyingiranywe

Burna Boy ari mu bahanzi bakomeye muri Afrika no ku Isi