50 Cent yatangaje ko yigeze kuganira na Drake, amubaza icyo yumva yatakaje muri iyo ntambara, Drake amusubiza ko nta kintu na kimwe yatakaje.
Nk’uko 50 Cent abivuga, ibikorwa bya Drake nyuma y’iyo ntambara bigaragaza ko agifite imbaraga zikomeye mu muziki. Yagaragaje ko kuba Drake yarashyize hanze album eshatu mu ijoro rimwe, zigatangira kwitabirwa n’abakunzi b’umuziki, ari ikimenyetso cy’uko agifite ubushobozi bwo gukomeza kwigarurira imitima y’abafana.
Ibi 50 Cent yabivuze ashimangira ko, nubwo abantu bagiye bagira ibitekerezo bitandukanye ku wahize undi mu ntambara ya Drake na Kendrick Lamar, ibyo bitavuze ko Drake yatakaje umwanya we mu muziki.
Drake na Kendrick Lamar bakozanyijeho mu ntambara ikomeye y’amagambo mu ndirimbo, yatumye abakunzi ba Hip Hop ku isi hose bajya impaka ku wahize undi. Iyi ntambara yanatumye buri muraperi agerageza kwerekana ubushobozi bwe binyuze mu bihangano byibasiraga mugenzi we.
Ku ruhande rwa 50 Cent, uko Drake yakomeje gukora umuziki no kuwugeza ku bakunzi be ni kimwe mu bimenyetso bigaragaza ko atagomba gufatwa nk’uwatakaje byose kubera iyo ntambara.
50 Cent yavuze ko Drake atigeze ahomba mu ntambara y’amagambo yagiranye na Kendrick Lamar