2Face Idibia yakoze ubukwe mu ibanga rikomeye

Ni ubukwe bwitabiriwe n’abantu bake bo mu miryango ya hafi, bukorwa mu buryo bwihariye cyane hatabayeho guhamagara itangazamakuru. Amafoto n’amashusho by’ibi birori byatangaje benshi ubwo byatangiraga gucicikana ku mbuga nkoranyambaga.

Amakuru dukesha Daily Post avuga ko 2Face Idibia yambitse impeta Natasha, usanzwe ari intumwa ya rubanda muri Leta ya Edo, mu kwezi kwa Gashyantare 2025, nyuma y’iminsi mike yari amaze gutangaza ku mugaragaro ko atakibana n’umugore we wa mbere, Annie Macaulay Idibia.

Iby’ubu bukwe byakuruye impaka ndende ku mbuga nkoranyambaga, bamwe baranenga 2Face uko yihutiye gushakana n’undi mugore, abandi bamushinja kutamenya gufata umwanya wo kwitekerezaho mbere yo gutangira undi mubano mushya.

2Face Idibia, umaze imyaka irenga 20 ari inkingi ya mwamba mu muziki wa Afurika, azwi cyane mu ndirimbo nka African Queen, If Loving You Is a Crime, Only Me, Rainbow n’izindi zakunzwe cyane ku mugabane. Ubu ari gutangira urugendo rushya rw’ubuzima bw’urugo n’umunyapolitiki Natasha, nyuma y’uko ashyize akadomo ku mubano wari umaze igihe n’umukinnyi wa filime Annie Macaulay.

Umuhanzi 2Face Idibia yakoze ubukwe butunguranye n'umukunzi we mushya, Natasha Osawaru, usanzwe ari intumwa ya rubanda mu Nteko Ishinga Amategeko ya Leta ya Edo

Ubu bukwe bwakuruye impaka ndende ku mbuga nkoranyambaga