2021: Diamond na Alikiba baba bageretse ku gatubutse! Abahanzi 10 bakize kurusha abandi muri Tanzania

Igihugu kitaratera imbere muri muzika biragorana cyane kumenya amafaranga baba batunze, kuko baba bayahisha kubera ubuke bwayo. Tanzaniya izwi nk'urugo rw'umuziki wa Bongo ukurura imbaga y'abafana hirya no hino muri Afurika y’Iburasirazuba. Abahanzi benshi bahinduka ibyamamare no kwegeranya ubutunzi ku bwabo. Ibi byatuma wibaza uti 'ninde muhanzi ukize muri Tanzania uyu mwaka?' Reka tugaruke ku bahanzi bakize 10 kurusha abandi.

1.Diamond Platnumz: 7$M  

    

Diamond ni umuhanzi ukize cyane muri Tanzaniya ndetse no mu karere. Icyamamare n'ubutunzi byitirirwa ubwami bwe bwa muzika bwaranzwe na bamwe mu bahanzi bitwaye neza muri ya label ye Wasafi abereye umuyobozi. Uyu muhanzi kwamamara kwe byatumye aba umuhanzi uhenze cyane kumutumira mu gitaramo runaka. Ubutunzi bwe mu mwaka wa 2021 bubarirwa kuri Miliyoni 7 z’Amadolari, mu manyarwanda ni hafi Miliyari 7.

2. Ali kiba: 4.5$M

Ali Kiba aza ku mwanya wa kabiri ku rutonde rw’abahanzi bakize cyane muri Tanzania. Yabashije gukomeza umwanya we mu myaka yashize, usibye kuba intangarugero ku bahanzi bayoboye abandi muri Tanzania, Ali Kiba yubatse inzu nawe ifasha abahanzi ya King Music Label, mu 2017 ashinga RockStar ayibera umuyobozi.

3. Professor Jay: 3$M

Porofeseri Jay ni umwe mu bahanzi beza Tanzania ifataho nk’ikitegererezo, ukurikije umuziki awusohora rimwe na rimwe. Yamenyekanye cyane mu myaka ya 2000-2016  kandi kuva icyo gihe yakomeje kuba ikirangirire no kugira agaciro, Ubu abarirwa kuri Miliyoni 3 z’Amadolari.

4. Lady Jay Dee: 2.4$M

Lady Jay Dee ni umuhanzikazi wakanyujijeho mu bihe byashize, umuziki we ntabwo wamupfiriye ubusa kuko yakuyemo amafaranga menshi n’ubu akaba aza mu baherwe b’abahanzi ba Tanzania. Yafatwaga nka Zahabu y’abahanzikazi muri muzika.

5. Juma Nature:1.5$M

Juma Nature ni umwe mu baririmbyi ba kera mu bikorwa bya muzika ya Tanzania. Yubatse ingoma ikomeye y’umuziki kuva kera. Yabaye kandi umwe mu bagize itsinda rizwi ku izina rya TMK ryibye imutima ya benshi binyuze mu muziki wabo.

6. AY:1.3$M

AY yatangiye ubuhanzi bwe mu 2000 mu rwego rwi’tsinda rya East Coast. Nyuma yo gusenyuka kwitsinda ryabo, yakomeje gukora ibitaramo wenyine hamwe n’uwahoze ari mugenzi we Mwana FA. Nyuma yaje gushinga ikirango cye cy’umuziki  kizwi ku izina rya ‘Unity Entertainment Company’.

7.Harmonize:1.2$M

Harmonize, umwe mu bahanzi bakunzwe cyane muri Tanzania nyuma ya Diamond, yamenyekanye cyane ubwo yakoraga indirimbo yise “Matatizo ", yafashijwe cyane na Diamond wamubonyemo impano akamujyana muri Wasafi records hanyuma arazamuka cyane. Nyuma yaje kumwigaranzura ashinga label ye Konde Boy records. Nyuma yo kwamamara byamuhaye umusaruro kuko ubu abarirwa ku mutungo ungana na Miliyoni imwe n’ibihumbi Magana abiri mu madorali.

8.Vanessa Mdee:1$M

Vanessa Mdee, umwe mu bahanzikazi bakunzwe cyane muri Tanzaniya kandi ni umunyamideli w’ikimenyabose. Ari mu bahanzi bakize muri Tanzania kuko yujuje Miliyoni imwe y’amadorali.

9. Rayvanny:900$K

Ni umwe mu bahanzi bazwi muri Afurika y'Iburasirazuba  abikesha kuririmba afatanije n’abandi bahanzi. Kuba abarizwa mu nzu ifasha abahanzi ya Wasafi, byatumye abona agatubutse no kwigarurira imitima ya benshi. Uyu ntabwo aragera kuri Miliyoni y’Amadorali ariko harabura gato nadasubira inyuma. Ubu afite nibura ibihumbi 900 b’Amadorali.

10.Juma Jux:600$K 

Juma Jux yamenyekanye cyane mu myaka ya za 2000 ahereye ku muziki utavugwaho rumwe muri Tanzaniya. Yasohoye ibihangano birakundwa. Bimwe mu byo yasohoye harimo ‘Utaniua, Zaidi, na Siskii n’izindi. Yakoze kandi ubufatanye n'abahanzi bakomeye barimo Diamond Platnumz, Vanessa Mdee, Nyashinski, na Otile Brown.