Ku wa Kabiri tariki ya 13 Ukwakira 2026 ni bwo imikino ya UEFA Champions League ya 2026/2027 yari yagarutse hakinwa iyo ku munsi wa kabiri ya League Phase.
Umukino wari utegerejwe n’Abanyarwanda benshi ni uwo ikipe ya Sabah FK yo muri Azerbaijan ikinamo umunyarwanda Joy-Lance Mickels yari yakiriyemo SK Slavia Prague yo muri Repubulika ya Tchèque. Uyu mukino warangiye Sabah FK itsinze ibitego 2-0 birimo n'icya rutahizamu w’Amavubi.
Nyuma yo kwandika amateka yo kuba ari we Munyarwanda uri gukina imikino y’amatsinda UEFA Champions League, yananditse andi yo kuba ari we munyarwanda wa mbere utsinze igitego muri iri rushanwa. Ni we watsinze igitego cya kabiri cy'ikipe ye ku munota wa 88.
Nk'aho ibi bidahagije, Joy-Lance Mickels ni nawe wabaye umukinnyi mwiza w’umukino. Yashimiye bagenzi be bamufashije kugera ku gihembo yahoze arota kuzabona mu rugendo rwe rw’umupira w’amaguru.
Ati: ”Ndashimira bagenzi banjye dukinana. Gutoranywa nk’umukinnyi mwiza w’umukino ni ibintu byihariye cyane n’ubu sindabyemera. Nabirotaga, none ubu mbigezeho.“
Joy Lance Mickels ni we wabaye umukinnyi w'umukino
Joy Lance Mickels yishimira igitego yatsinze