Mu butumwa Umukuru w'Igihugu cy'u Rwanda yanyujije kuri X mu mugoroba wo kuri uyu wa Gatatu tariki ya 15 Mata 2026, yanditse ati: ”Twishimiye kubona abafatanyabikorwa batatu ba Visit Rwanda berekeza muri kimwe cya kabiri cya UEFA Champions League! Imikinire ya Atletico Madrid, Arsebal na Paris Saint-Germain yagaragaje uguhozaho, ubuhanga no kwiyemeza, kandi dutegereje imikino iri imbere!”
Ikipe ya Atletico Madrid isanzwe yamamaza Visit Rwanda yageze muri 1/2 cya UEFA Champions League nyuma yo gusezerera FC Barcelona ku giteranyo cy’ibitego 3-2; Arsenal yamamaza Visit Rwanda isezerera Sporting ku giteranyo cy’igitego 1-0 naho Paris Saint-Germain nayo yamamaza Visit Rwanda yo isezerera Liverpool ku giteranyo cy’ibitego 4-0.
Muri 1/2, Paris Saint-Germain izahura na FC Bayern Munich naho Arsenal ihure na Atletico Madrid.
Atletico Madrid yageze muri 1/2 cya Champions League
PSG yatwaye Champions League y'umwaka ushize, yabonye itike ya 1/2 cya Champions League y'uyu mwaka
Arsenal yongeye ibona itike ya 1/2 cya Champions League ku nshuro ya kabiri yikurikiranya