Uruganda rwenga ibinyobwa bisembuye n’ibidasembuye rwa SKOL rusanzwe ari umufatanyabikorwa wa Rayon Sports ruhemba umukinnyi w’ukwezi muri iyi kipe. Kuri ubu SKOL yahembye umukinnyi mwiza w’ukwezi gushize kwa Werurwe.
Kwizera Olivier ni we wahembwe mu bagabo ahigitse Likau Faustin Kitoko na Fall Ngagne. Mu bagore, Uwase Andersene niwe wegukanye igihembo ahigitse Ukwikunda Jeanette na Nyiramwiza Marthe.
SKOL yahembye aba bakinnyi mu gihe Rayon Sports y’Abagabo yitegura gucakirana n’Amagaju FC mu mukino uzabera i Huye ku Cyumweru tariki ya 26 Mata 2026. Kugeza ubu Rayon Sports iri ku mwanya wa Kane ku rutonde rwa shampiyona n’amanota 44.
Kwizera Olivier yegukanye igihembo cy’umukinnyi mwiza w’ukwezi kwa Werurwe
Uwase Andersene ni we wegukanye igihembo cy'umukinnyi mwiza w'ukwezi kwa Werurwe muri Rayon Sports y'Abagore