APR FC nk’ikipe yari afite akazi ko gushaka igitego cyo kwishyura yatsinzwe mu mukino ubanza yatangiye isatira cyane binyuze ku ruhande rwariho Mugisha Gilbert na Niyomugabo Claude.
Gasogi United yakomeje gukina ubona ifite amabwiriza yo gukinira inyuma cyane bigatuma APR FC iyisanga imbere y’izamu. Abarimo Mugisha Gilbert na Memel Dao bagiye babona uburyo imbere y’izamu bakabupfusha ubusa.
Ku munota wa 33 Byiringiro Jean Gilbert yaje gufungura amazamu ku mupira yari ahawe na Niyomugabo Claude yinjira mu rubuga arekura ishoti umupira uruhukira mu nshundura.
Mbere y’uko igice cya mbere kirangira Djibril Ouattara yatsinze igitego cya kabiri kuri koroneri yari itewe na Memel Dao ubundi ashyiraho umutwe.
Mu gice cya kabiri Gasogi United yaje isatira ngo irebe uko yakwishyura ariko muri uwo mwanya APR FC yari iyitsinze igitego cya gatatu ku mupira waruzamuwe uvuye muri koroneri ubundi Djibril Ouattara ashyiraho umutwe.
Ku munota wa 55 APR FC yabonye igitego cya Gatatu gitsinzwe na William Togui ahawe umupira na Djibril Ouattara. Bidatinze ku munota wa 60 Memel Dao yahise atsinda igitego cya Kane.
Umukino warangiye ikipe y’Ingabo z’igihugu itsinze Gasogi United ibitego 4-0 ihita isezerera ku kinyuranyo cy’ibitego 4-1 yerekeza muri 1/2.
APR FC izahura nizava hagati ya Etincelles FC na Bugesera FC.
APR FC yasezereye Gasogi United mu gikombe cy'Amahoro cya 2026