Abakinnyi 11 babanje mu kibuga; Ishimwe Pierre, Niyigena Clement,Nshimiyimana Yunusu, Niyomugabo Claude, Ombolenga Fitina,Ngabonziza Pacifique,Riuboneka Jean Bosco,Memel Dao,Djibril Ouattara,Mugisha Gilbert na William Togui.
Uyu mukino watangiye Gasogi United yari yiganjemo abakinnyi bato bazamuwe baheruka kuzamurwa igerageza amahirwe mbere gusa Ishimwe Pierre aba mask. Ku munota wa 10 William Togwi yarekuye ishoti umunyezamu wa Gasogi United arikuramo umupira usanga Memel Dao arekuye ishoti rinyura hepfo y’izamu.
Ku munota wa 22 APR FC yafunguye amazamu ku gitego cya Djibril Ouattara ahawe umupira na Fitina Ombolenga. Ikipe y’Ingabo z’igihugu yakomeje kurusha Gasogi United ubundi ku munota wa 30 Ruboneka Jean Bosco atsinda igitego cya kabiri.
Mbere y’uko igice cya mbere kirangira APR FC yabonye igitego cya gatatu gitsinzwe na William Togui ahawe umupira na Mugisha Gilbert.
Mu gice cya Kabiri APR FC yakoze impinduka ku bakinnyi bose 11 bari babanje mu kibuga hajjyamo Ruhamyankiko Yvan, Byiringiro Gilbert, Bugingo Hakim, Nduwayo Alex, Alioum Souane, Dauda Yussif, Richmond Ramptey, Niyibizi Ramadhan, Mamadou Sy, Lamine Bah, Hakim Kiwanuka na Mamadou Sy.
Gasogi United nayo yakoze impinduka ku bakinnyi bacye bajyamo abarimo Ndikumana Danny. Ku munota wa 57 Nyamakundagira yabonye igitego cya kane gitsinzwe na Mamadou Sy ahawe umupira na Dauda Yussif. Gasogi United nayo ku munota wa 71 yabonye igitego gitsinzwe na Niyongabo Gedeon. Umukino warangiye APR FC itsinze Gasogi United ibitego 4-1.
APR FC yatsinze Gasogi United ibitego 4-1 mu mukino wa gicuti 