Nyuma y’uko hasojwe imikino ibanza y’Igikombe cy’Amahoro hakamenyekana amakipe akomeza mu kindi cyiciro, kuri uyu wa Gatandatu ku cyicaro cy’ishyirahamwe ry’umupira w’amaguru mu Rwanda, FERWAFA, habaye tombora y’uko azahura muri 1/8.
Ayatomboranye ni ayakomeje kongeraho andi atarakinnye imikino ibanza bitewe n’uko yitwaye neza muri iri rushanwa riheruka.
Ikipe ya Musanze FC yatomboye kuzahura na Gasogi United, Kiyovu Sports itombora kuzahura na APR FC ifite igikombe giheruka, Bugesera FC itombora Amagaju FC, Etincelles FC itombora kuzahura na Mukura VS, Muhazi United itombora Gorilla FC, Marine FC itombora AS Kigali, Gicumbi FC itombora Police FC naho City Boys itombora kuzahura na Rayon Sports.
Imikino ibanza ya 1/8 cy’igikombe cy’Amahoro cya 2026 izakinwa ku wa Kabiri tariki ya 17 no ku wa Gatatu tariki ya 18.
Kiyovu Sports izacakirana na APR FC muri 1/8 cy'igikombe cy'Amahoro