Umunya-Afurika y'Epfo, Pitso Mosimane, uheruka kugirwa umutoza mukuru w'ikipe ya Al Ahly yo mu Misiri, yatangiranye intsinzi ku mukino we wa mbere, mu mukino iyi kipe y'ubukombe muri Afurika yatsinzemo Al Mokawloon 1-0.
Ni igitego cyabonetse ku munota wa 40 w'umukino gitsinzwe na Amr El Solia, bituma iyi kipe ikomeza kuyobora urutonde rwa shampiyona ya Misiri n'amanota 82 mu mikino 31.
Tariki ya 01 Ukwakira 2020, nibwo ikipe ya AL Ahly yatangaje ko yamaze gusinyisha Pitso Mosimane amasezerano y'imyaka ibiri avuye muri Mamelodi yatozaga.
Ni nyuma yuko Mosima yari yatanze ibaruwa isaba kwegura ku mirimo ye mu ikipe ya Mamelodi Sundowns tariki 30 Nzeri 2020, nyuma y'umunsi umwe gusa ahita yerekeza mu ikipe ya Al Ahly.
Mosiomane yafashije Mamelodi kwegukana igikombe cya CAF champions league cya mbere mu mateka y’iyi kipe mu mwaka wa 2016.
Mosimane aratoza umukino we wa kabiri muri iyi kipe kuri uyu wa gatatu tariki 07 Ukwakira 2020, mu mukino wa shampiyona Al Ahly izaba yasuye ikipe ya ENPPI, mu gihe ku cyumweru tariki 11 Ukwakira 2020, ku kibuga cyayo, Al Ahly izakira ikipe ya Pyramids mu mukino w'umunsi wa 33 muri shampiyona ya Misiri.
Al Ahly yatsinze Al Mokawloon 1-0 ikomeza kuyobora urutonde rwa shampiyona
Eng
RSS 
TANGA IGITECYEREZO