RFL
Kigali

Arenga Miliyoni 33 Frw amaze gukusanywa n'abakunzi ba Rayon Sports mu minsi itageze kuri 15

Yanditswe na: SAFARI Garcon
Taliki:3/10/2020 13:33
0


Mu gihe kitageze ku minsi 10, Murenzi Abdallah aramukijwe inshingano zo kuyobora Rayon Sports mu nzibacyuho y'iminsi 30, akomeje ubukangurambaga mu bakunzi b'iyi kipe ngo hakusanywe amafaranga yo kugura abakinnyi bifujwe n'umutoza Bukasa, kuri ubu hamaze gukusanywa arenga miliyoni 33 Frw.



Nyuma yo guhura n’abayobozi b’amatsinda y’abafana bakiyemeza gutanga amafaranga asaga Miliyoni 13 Frws, kuri uyu wa Gatanu tariki ya 02 Ukwakira 2020, ubuyobozi bw’ikipe ya Rayon Sports bwahuye n’abavuga rikijyana muri iyi kipe, biganjemo abigeze kuyiyobora biyemeza gutanga arenga miliyoni 15 Frw.

Abitabiriye iyi nama yari iyobowe na Murenzi Abdallah uyobora Rayon Sports, biyemeje gutanga angana na Mliyoni 15 n’ibihumbi 300 Frw, akaba yaje yiyongera kuri miliyoni 18 Frw yamaze kwemerwa n’abakunzi ba Rayon Sports binyuze mu matsinda y’abafana, yose hamwe akaba Miliyoni 33 n’ibihumbi 300 Frws.

Hashize iminsi mu kipe ya Rayon Sports FC, hakorwa inama zitandukanye zigamije kwegeranya ubushobozi bw’amafaranga bwo kugura abakinnyi bakenewe muri iyi kipe, ndetse kandi bakomeje no kwegera abafatanyabikorwa batandukanye ngo hagire ibishyirwa ku murongo.

Biciye ku rukuta rwa Twitter y’ikipe ya Rayon Sports FC, ubuyobozi bw’iyi kipe bwatangaje ko biciye mu nama yahuje komite y’inzibacyuho, ndetse n’abandi bavuga rikijyana habonetse amafaranga angana na miliyoni 15 n’ibihumbi 300 Frws.

Ubuyobozi bwa Rayon Sports bwatangaje ko bugiye kugura abakinnyi bakomeye bazahatanira ibikombe bikinirwa mu Rwanda bijyanye n'icyifuzo cy'umutoza mukuru wayo Guy Bukasa.

Ubutumwa Rayon Sports yanyujije kuri Twitter yayo nyuma y'inama n'abavuga rikijyana

Martin Rutagambwa yari yitabiriye inama

Twagirayezu Thadee uri muri komite y'inzibacyuho yari muri iyi nama

Rayon Sports irifuza kugura abakinnyi bakomeye bazahatanira ibikombe





TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND