Ibyari ibyishimo byahindutse amarira ubwo umugeni yagwaga mu maboko y’umugabo we kubera igicuri

Ibi birori, biri mu bintu biri kugarukwaho cyane uyu mwaka. Umugeni yikubise mu maboko y’umugabo we nyuma yo gufatwa n'igicuri ku munsi w’ubukwe bwe bwabaye ku ya 17 Kanama 2018. Iyi ndwara Hayley Hale arwaye, ituma ubwonko bwe buhinduka ku buryo butunguranye ndetse no kubura ubushobozi bwo kugenzura ingingo z’umubiri.

Hayley Hale n’umugabo we Matthew Hale, amakuru avuga ko bakundanye imyaka irenga 10. Hayley, wo mu kibaya cya Rhymney, muri Wales, yahagaritse gushyingiranwa na Mathew mu gihe cy'imyaka icumi kuko yari afite ipfunwe cyane kubera ubuzima bwe bwa buri munsi bwamuhindukaga kubera igicuri.

Mu 2018, Hayley yafashe umwanzuro wo kubana akaramata n’umukunzi we, umunsi w’ubukwe yaje kubona ugukomera mu kugenda mu nzira imbere y’abatumirwa 75. Kubera iyi ndwara y’igicuri iza itunguranye kandi igakubita umuntu hafi akarabirana yahise imufata ahagararanye n’umukunzi we maze ahita amugwa mu maboko.

Uyu mugore yari asanzwe amaze imyaka 2 yarabazwe kanseri mu ibere ry’ibumoso bigahurirana n’igicuri. Akigwa mu makobo y’umugabo we, abatumirwa baratatse kubera amarangamutima y’ibyo babonye bararira cyane bibaza uko Mathew Hale agiye kubyakira, nyuma y'igihe, uyu mugore Hayley yarazanzamutse yisanga akikijwe n’abantu bari kurira.

Mathew Hale yakomeje kugaragariza urukundo umugore we, ubuzima burakomeza, barabana, babyara umwana wabo wa mbere, Charlie. Nyuma y'umwaka umwe, Matayo (Mathew) yaje kureka akazi ko mu ruganda kugira ngo abe umurezi w’umugore we Hayley kubera ko atemerewe kuba wenyine hamwe n’abana be.

Hayley ari kumwe n'abana be 2 yabyaye mbere yo kubana na Mathew

src:Dailymail