Manchester City yasinyishije umukinnyi Roben Dias imukuye mu ikipe ya Benfica yo muri Portugal atanzweho miliyoni 65 z'amapawundi.
Hari
haciye iminsi Manchester City iri mu biganiro na Benfica ariko byagendaga gacye, Manchester
City isa nk'aho yifashe, gusa nyuma y'aho iyi kipe inyagiriwe na Leicester
City ibitego 5 kuri 2 iyi kipe y'abanyamujyi b'i Manchester yariraye ku ibaba
isubukura ibiganiro.
Ruben
Dias ufite imyaka 23, nyuma yo gusinya amasezerano y'imyaka 6, yatangaje ko
afite icyizere cyo kuzitwara neza mu ikipe ya Manchester City. Yagize ati "Nizeye kuzakora cyane kandi nkagira ibihe byiza mu ikipe nshya, nzitanga muri
buri mukino kugira ngo twegukane ibikombe. Ni iby'agaciro kandi kuza mu ikipe
ifite abakinnyi benshi bafite impano kuko imikinire yabo uhita wisangamo.
Ruben Dias yari amaze imyaka 5 muri Benfica
Ruben Dias yinjiye muri Manchester City aguzwe Miliyoni 65 za Amapawundi abisikana na Nicolas Otamendi na we werekeje muri Benfica atanzweho asaga miliyoni 13.6 z'Amapawundi. Ruben Dias abaye umukinnyi wa gatatu uguzwe na Manchester City muri uyu mwaka aho asanze Nathan Ake ndetse na Ferran Torres.
TANGA IGITECYEREZO