OMS iraburira abantu ko impfu za Coronavirus zishobora kugera kuri miliyoni 2

Mike Ryan, ukuriye gahunda y'ibihe bidasanzwe mu muryango w'abibumbye, yabwiye abanyamakuru ati: "Turamutse tudashatse icyakorwa hakiri kare abapfa bagera kuri miliyoni 2 , birababaje cyane."

Yavuze ko urubyiruko rutagomba kuryozwa ubwiyongere bw’ubwandu bwa vuba nubwo hari impungenge  y'uko benshi bavuga ko ari rwo nyirabayazana w’impfu nyinshi  n’ikwirakwizwa rya coronavirus. Ati: "Ndizera ko ntawe utunga urutoki urubyiruko kuko ikintu cya nyuma umusore aba akeneye ni ukuzibona yashaje bishatse kuvuga ko na rwo rutifuza kwandura iki cyorezo ahubwo guterana mu ngo kw’abantu b’ingeri zose ni byo bituma coronavirus ikwirakwira."

OMS ikomeje ibiganiro n’Ubushinwa ku bijyanye n’uruhare rushoboka muri gahunda yo gutera inkunga COVAX igamije kwemeza uburyo bwihuse kandi buringaniye ku isi hose ku nkingo za COVID-19,

Bruce Aylward, umujyanama mukuru wa OMS akaba n'umuyobozi wa gahunda ya ACT yo gukingira, kuvura no kwisuzumisha kuri COVID-19, yagize ati: "Turi mu biganiro n'Ubushinwa ku ruhare bashobora kugira mu gihe kiri imbere."

Yemeje ko Tayiwani yiyandikishije muri iyi gahunda, n'ubwo itari umunyamuryango wa OMS, ibihugu bigera ku 159 byaritabiriye, ibigera kuri 34 biracyafata umwanzuro.

 Src: REUTERS