Izanzamuka ry’ubukungu mu gihugu cy’Ubushinwa riraca amarenga mu nzira nyinshi. Muri aya mezi atatu ashize, ibyoherezwa mu mahanga ntibihwema kwiyongera. Kuva mu kwezi kwa gatatu ubukungugu bw’iki gihugu bwashegashezwa n’icyorezo cya COVID19 cyakoze mu nkokora iyoherezwa mu mahanga ry’ibicuruzwa bikorerwa muri iki gihugu.
Ibicuruzwa byoherezwa
mu mahanga muri Kanama byiyongereyeho 9.5% ugereranyije n’amezi yabanje kimwe
no kuva mu mwaka wabanje wa 2019. Ubukungu bw’iki gihugu kimwe n’ahandi hose ku
isi bwakozwe mu nkokora n’icyorezo cya Corona Virus. Iki cyorezo nkuko byemezwe
n’ubushakashatsi bw’Umuryango Mpuzamahanga wita ku Buzima cyatangiriye n’ubundi
mu Bushinwa mu mujyi wa Wuhan.
Iki gihugu Xi Jinping
abereye perezida, magingo aya ni cyo kabiri nyuma ya Leta Zunze Ubumwe z’Amerika
mu bikungahaye ku isi. Nk’ibindi bihugu hirya no hino ku isi byahungabanyijwe n’ubukungu
kubera icyorezo cya COVID19, leta ya Pekin yashyizeho ingamba 6 zo kuzahura
ubukungu.
Abafite ubukungu mu
nshingano zabo mu Bushinwa izi ngamba bazise inking 6; zirimo gutera inkunga
imishinga migari yarisanzweho, kongera kureshya abashoramari, kwagura ubucuruzi
mpuzamahanga, kurema imirimo mishya, kwagura isoko ryabo ku ruhando
mpuzamahanga ndetse n’imbere mu gihugu.
Perezida Xi yatangaje
ko we na guverinoma ye biteguye gushyira mu bikorwa izi ngamba zo kuzahura ubukungu.
Nkuko tubikesha igitangazamakuru cy’Ubushinwa, Xi yongeye kugaruka ku kamaro k’izi
ngamba dore ko we azibona mu ndorerwamo yo kubungabunga imibero myiza y’igihugu
ndetse n’abagituye.
Ikindi kimenyetso cy’izanzamuka
ry’ubukungu n’uko umusaruro mbumbe w’igihembwe cya kabiri (kuva muri Gicurasi
kugera muri Kanama), wari 3.2% bihabanye n’uwi gihembwe cya mbere cyagize munsi
ya zero 6.8%.
TANGA IGITECYEREZO