Hashize iminsi ku mbuga nkoranyambaga hacaracaye ifoto igaragaza inka iri kumanuka mu ndege iziritswe imigozi. Abenshi babonye iyi foto bemeje ko ari ibihimbano bitigeze bibaho na gato, gusa siko biri, iyi nka yamanutse mu ndege ya kajugujugu mu misozi yo mu Busuwisi.
Dailymail ivuga ko iyi nka yamanutse mu ndege kuko yo yari ifite ikibazo cy’imvune. Yatwawe na Kajugujugu kuko ubushyo bwayo bwimukiye mu misozi miremire yo mu Busuwisi. Iyi nka yari yakomeretse byoroheje, ikaba itari kubasha gukora urugendo.
Umuhinzi wa Alpine, Ambros Arnold, yabwiye kandi ikinyamakuru Limmattaler Zeitung, ko uburyo bwo gutwara inka mu ndege bwari uburyo bwo kwifashisha kandi bwiza no mu buryo bwihuse. Inka yakomeretse ni yo yazamuwe kuko ubushyo bwayo bugizwe n’inka 1,000 bwagiye bwimurirwa buri mwaka mu misozi miremire yo mu Busuwisi. Buri mwaka, abahinzi ba Alpine berekeza inka zabo ahantu hirengeye berekeza kuri Alpes yo hepfo mu gikorwa cyiswe “Bodenfahrt”.
Inka zigera ku 1,000 zamanuwe ku misozi ku kayira ka Klausen mu Busuwisi ariko imwe yari yarakomeretse byoroheje, yajyanywe na kajugujugu iva Klausen, aho inka zigera ku 1,000 zimukira mu misozi ya Alps ahazwi nka Klausen. Arnold yakomeje avuga ko ubu buryo bushobora kuba bwarababaje iyi nyamaswa (Inka), kubera ko yazamuwe mu kirere mu buryo butunguranye kandi zitamenyereye.
Nk’uko Limmattaler Zeitung abitangaza ngo uburyo bwo gutwara iyi nka muri kajugujugu bwatumye idakomeza kubabazwa n’imvune yari ifite kandi bikarinda ibikomere bishya byakize. Radiyo yo mu Busuwisi FM1 yatangaje ko ubu buryo bukoreshwa mu gutwara inka zakomeretse.
Eng
RSS 
TANGA IGITECYEREZO