Nta muntu wakandaye mu ishuri ngo abe atarahuye n’isomo ry’imibare ho gato. Imibare isaba gutekereza cyane ariko umusore wo mu Buhinde, Neelakantha Bhanu Prakash niwe muntu wa mbere ku Isi ukora imibare mu mutwe byihuse mu gihe gito.
Ku myaka 20,
yatsindiye umudari wa zahabu mu Buhinde w'irushanwa ry'isi ryo gukora imibare
vuba vuba mu mutwe. Avuga ko imibare ari umukino ukomeye azi cyane wo mu mutwe kandi
ko intego ye ya mbere ari ukurwanya kwanga imibare.
Neelakantha Bhanu Prakash, atekereza imibare buri gihe kandi
ubu ni we muntu uyibara (human calculator) vuba vuba kurusha abandi ku isi. Agereranya
imibare yo mu mutwe nko gusiganwa ku muvuduko uri ku rwego rwo hejuru.
Yabwiye BBC ati:
"Twemera abantu nka Usain Bolt iyo yirutse metero 100 mu masegonda 9.8,
ariko ntituvuga impamvu yo kwiruka mu isi irimo imodoka n'indege. Ni ukugira
ngo bibere abantu urugero ko umubiri w'umuntu ushobora gukora ibyo benshi
badatekereza - ibyo rero ni kimwe no kubara n'imibare."
Ushobora
kwibaza ko yavukanye ubu buhanga bukomeye, ariko siko bimeze. Yagize impanuka
afite imyaka itanu imuheza ku gitanda kwa muganga umwaka wose kubera igikomere
mu mutwe, aho niho urugendo rw'imibare rwatangiriye.
Ati:
"Ababyeyi banjye bababwiye ko nshobora kuzaba umuntu ufite ikibazo mu
mutwe. Byatumye ntangira gukora imibare mu mutwe ngo ndebe ko nabirokoka,
kugira ngo ubwonko bwanjye buhozeho."
Bhanu avuga
ko kuva mu muryango uciriritse mu Buhinde, bisobanuye gushaka akazi cyangwa
gutangira business, bitavuze kujya mu bintu nk'imibare.Ariko kubera uburyo yari
yarayinjiyemo, Bhanu ubu ari hafi kurangiza kaminuza mu mibare.Kimwe n'abantu
barushanwa ku rwego rwo hejuru, Bhanu avuga ko ibyo yagezeho yabitewe no
kwitegura.
Ntabwo ari
ibintu bisanzwe nko kwicara ku ntebe ukiga, ahubwo abibona nka siporo ikomeye y'ubwonko. ati: "Nateguye
ubwanjye kutaba umunyamibare wihuse gusa ahubwo nka umuntu utekereza vuba
cyane."
Akiri muto,
Bhanu yashoboraga kwitoza amasaha atandatu cyangwa arindwi ku munsi utabariyemo
ayo mu ishuri.Mu gihe cy'amategeko yo kuguma mu rugo,
Bhanu yafashije abantu bo mu cyaro mu Buhinde kwiga imibare
Ariko kuva
yatsinda irushanwa ry'isi agaca umuhigo, ntabwo akitoza bikomeye gutyo buri
munsi.Ahubwo, avuga ko yitoza mu buryo budateguye neza ariko butuma ntekereza
imibare buri gihe.Ati: "Nitoza numva umuziki uvuga cyane, nganira
n'abantu, nkina cricket, kuko aha nibwo ubwonko bwawe buba bwitoza ibintu
byinshi icya rimwe".
Avuga ko
mugihe ari kuvugana n'umuntu ari nko ku nzira, ateranya imibare ya
'plaque/plate number' y'imodoka zose zimuciyeho. Ati: "Iyo ndi kuvugana
n'umuntu turebana, mba ndi no kureba inshuro ahumbya amaso , biragoye nk'uko
byumvikana - ariko bifasha ubwonko gukomeza gukora."
Kuri Bhanu,
intego ye si ugukomeza guca imihigo gusa nubwo nabyo akunda kubikora. Ati:
"Kubara no guca imihigo ni ibintu biba bigamije gusa kwibutsa ko isi
ikeneye abanyamibare. Imibare igomba kuba ikintu cyo kwishimisha kuri twe kuko
tuyikunda."
Intego ye
ngo ni kurwanya kwanga imibare kuko
avuga ko abantu benshi batinya imibare. Ati: "Gutinya biha umurongo ibyo
abantu bakurikira, bivuze ko [benshi] badakurikira imibare."Bhanu afite
imihigo ine y'isi n'ibindi byinshi yagezeho, umuryango we utewe ishema nawe.
Ashimira
umuryango we kumutera akanyabugabo no kumutegeka kuguma hamwe kugira ngo
yitoze.Ati: "Nyuma yo gutsinda irushanwa rya mbere mpuzamahanga, marume
yansabye ko ngerageza kunyaruka cyane kurusha uwariwe wese wabayeho.Sinigeze na
rimwe ntekereza ko nzagera aho mba umuntu ukora imibare vuba kurusha abandi ku
isi".
SRC: BBC
TANGA IGITECYEREZO