RFL
Kigali

CAN 2021: CAF yatangaje amatariki ibihugu birimo n’u Rwanda bizasubukuriraho imikino

Yanditswe na: SAFARI Garcon
Taliki:19/08/2020 17:53
0

Impuzamashyirahamwe y’umupira w’amaguru muri Afurika CAF, yatangaje amatariki yo gusubukura imikino yo gushaka itike y’igikombe cya Afurika cy’ibihugu, CAN 2021 izabera muri Cameroun, nyuma y’igihe yarahagaritswe n’icyorezo cya Coronavirus.



Inama yagutse yahuje abagize komite ya CAF, yasojwe hafashwe umwanzuro ko imikino yo gushaka itike ya CAN 2021, izabera muri Cameroun mu 2022, izasubukurwa mu Ugushyingo 2020.

Muri Werurwe 2020, CAF yatangaje ko imikino y’umunsi wa gatatu n’uwa kane yo gushaka itike yo kwerekeza mu gikombe cya Afurika kizabera muri Cameroun 2022 isubitswe, kubera icyorezo cya Cameroun cyari cyamaze kugera mu bihugu byinshi byo muri Afurika.

Iyo mikino yasubitswe yagombaga gukinwa hagati ya tariki 25 na 30/03/2020, aho u Rwanda ruherereye mu itsinda F rwagombaga kwakirwa na Cap Vert, rugakurikizaho guhita na rwo rwakira iki gihugu cya Cap Vert, iyi mikino ikaba yamaze gushyirwa hagati ya tariki 9 na 17/11/2020.

Mu itsinda u Rwanda ruherereyemo, nyuma yo gutsindwa imikino ibiri harimo uwo rwatsindiwe i Maputo ibitego 2-0 na Mozambique, ndetse n’uwo rwatsindiwe  i Kigali na cameroun, ubu ruri ku mwanya wa nyuma.

Imikino yo guhatanira itike y’igikombe cy’isi kizabera muri Qatar 2022 yo yashyizwe mu mwata utaha wa 2021, aho imikino y’umunsi wa mbere n’uwa kabiri izakinwa hagati ya tariki 22 na 30/03/2021.

CAN imaze imyaka 63 ikinwa, iheruka yatwawe na Algeria, mu gihe Misiri ariyo ibitse ibikombe byinshi kurusha ibindi bihugu aho imaze kwegukana ibikombe 7.

Igihugu cya Algeria nicyo cyegukanye igikombe giheruka gukinwa mu 2019





TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND