Impamvu ugomba gusiba izi Application zigera kuri 25 tugiye kukwereka, ni uko bishoboka ko waba warinjiriye muri konti yawe ya Facebook. Ese wari uzi ko gushyira application zose ubonye muri telephone yawe atari byiza?.
Zimwe muri application dushyira muri telephone zacu zishobora kuduteza ibibazo birimo no kwinjirirwa muri konti zacu zitandukanye dukoresha kuri murandasi. Abahanga mu kurwanya ibyaha bikorerwa kuri interineti batangaje ko bavumbuye zimwe muri application za Android zibaga imibare y’ibanga (Passwords) z’abantu ntaburenganzira bahawe na ba nyir'ubwite.
Izi application zavumbuwe zibaga imibare y’ibanga y’abantu
bazitunze muri telephone zigera kuri makumyabiri n’eshanu. Bakomeza bavuga ko
izi application zari zimaze gutungwa (Download) n'abarenga miliyoni ebyiri
n’ibihumbi magana atatu (2.3 Million), muri izo harimo izijyanye n’ibizwi nka
counters, Wallpaper apps, Mobile games n’ibindi byinshi bitandukanye.
Nyuma y'uko izi application zivumbuwe na bamwe mu
bashakashatsi bo mu kigo cy’ikoranabuhanga cya bafaransa cyizwi nka Evina,
ikigo cy’ikoranabuhanga cya Google cyatangaje ko cyamaze kuvana izi application
mu bubiko bwacyo buzwi nka Playstore.
Raporo yashyizwe hanze mu cyumweru gishize n’ikinyamakuru ZDnet
yavuze uburyo izi application abantu bazibika muri telephone zabo babona zikora
nk’izindi application zisanzwe nyamara, zishobora kuba intwaro yo kwinjirirwa
kuri konti zabo za Facebook. Iyi raporo ikomeza ivuga ko izi application abantu
babonaga zikora nk’izindi ariko ngo zabibaga mu buryo bw’ibanga amazina yabo
(Usernames) n’imibare y’ibanga (Passwords) bakoresha kuri kuri konti
zabo za Facebook.
Iyi raporo ikomeza ivuga ko iyo utunze izi application muri telefoni yawe, zihita zituma application yawe ya Facebook idakora neza bityo iyo winjiye muri konti yawe (Login) uhita winjira muri konti itari yo. Iyi umaze gushyiramo username na password ugira ngo ni Facebook winjiyemo kandi atari yo. Iyo bagutwaye usernames na password hari aho bijya kandi ntabwo wakwemeza ko icyo bazabikoresha cyari ari ikintu cyiza.
Amakuru yawe bakwiba kuri telefoni ashobora gukoreshwa
n'aba Hachers mu kwinjira mu zindi konti zawe ukoresha kuri murandasi
Aya makuru iyo ajyanwe ashobora gukoresha n’abagizi ba nabi
biba abantu bakoresheje interineti bazwi nk'aba Hachers, aho aya makuru
bashobora kuyifashisha mu kwinjira mu zindi konti zawe zitandukanye ukoresha
kuri interineti, ibi babikora kubera ko usanga abantu benshi bakoresha
usernames na passwords zisa kuma konti yabo atandukanye kuri interineti harimo
nka Facebook, Instagram, Twitter n’izindi.
Nyuma yo kumenya aya makuru Google yahise isiba izi
application ahavanwa application za Android hazwi nka Google Playstore. Izi
application zasibwe nyuma yo kuvumburwa ko ziba amakuru y’abantu harimo izikora
amafoto (Image editors), Izikora videwo (Video editors), izikoreshwa mu gucana
urumuri (Flashlights applications), iz'imikino yo muri telefoni (Mobile games)
n’izindi zitandukanye.
Urutonde rw'izi application ugomba guhita usiba muri
telefone yawe
1.
Super Wallpapers Flashlight
2.
Padenatef
3.
Wallpaper Level
4.
Contour Level Wallpaper
5.
iPlayer & iWallpaper
6.
Video Maker
7.
Color Wallpapers
8.
Pedometer
9.
Powerful Flashlight
10.
Super Bright Flashlight
11.
Super Flashlight
12.
Solitaire Game
13.
Accurate Scanning of QR Code
14.
Classic Card Game
15.
Junk File Cleaning
16.
Synthetic Z
17.
File Manager
18.
Composite Z
19.
Screenshot Capture
20.
Daily Horoscope Wallpapers
21.
Wuxia Reader
22.
Plus Weather
23.
Anime Live Wallpaper
24.
iHealth Step Counter
25.
com.tqyapp.fiction
Niba uziko waba warigeze gutunga izi application muri telefone yawe, ibyiza ni uko wahindura umubare wawe w’ibanga cyangwa password ukoresha kuri Facebook kubera ko byaba ari ukwirinda ko wazinjirirwa, biba byiza kwirinda kare. Si byiza gushyira application zose ubonye muri telefone yawe kubera ko zishobora kuba inzira yo kukwiba amakuru yawe maze akazakoreshwa mu buryo butari bwiza. No gukoresha interineti si byiza gufungura link zose ubonye ziza iyo uri gukoresha interineti zizwi nka Google Alters, kubera ko iyo uzifunguye zishobora kuba inzira yo kukwiba amakuru yawe.
Src: The Sun
Umwanditsi: Soter
DUSABIMANA-ImyaRwanda.com
Eng
RSS 
TANGA IGITECYEREZO