Myugariro ukina ku ruhande rw’ibumoso mu ikipe y’igihugu Amavubi, Eric Rutanga, wari umaze ibyumweru bitatu asinye amasezerano y’imyaka ibiri muri Police FC, yamaze kuyisohokamo atayikiniye umukino n’umwe, yerekeza muri Yanga Africans yo muri Tanzania aho yasinye amasezerano y’imyaka ibiri.
Abakunzi
b’ikipe ya Yanga bifuje ko ubuyobozi bw’iyi kipe y’ikigugu muri Tanzania
bwabagurira uyu myugariro uhereye mu myaka ibiri ishize, aho yatsindiraga Rayon
Sports yakiniraga bakamushyira ku mbuga nkoranyambaga zabo, none birangiye
bamwegukanye.
Mu
mpera z’ukwezi gushize nibwo Rutanga Eric yasinye amasezerano y’imyaka ibiri
muri Police FC ahawe miliyoni 15 Frw, ariko uyu mukinnyi yari yasabye Police FC
ko naramuka abonye ikipe hanze mbere y’uko umwaka w’imikino utangira, azayisubiza
ibyo yamuhaye akayerekezamo.
Impande
zombi zumvikanye ku masezerano y’imyaka ibiri ndetse Rutanga yamenyesheje Police
FC ko yamureka akayerekezamo.
Bivugwa
ko Rutanga yahawe miliyoni 60 z’amashilingi ya Tanzania (miliyoni 24.5 Frw)
kugira ngo yerekeze muri iyi kipe.
Rutanga
Eric wageze muri Rayon Sports avuye muri APR FC, akayifasha kwegukana igikombe
cya shampiyona mu mwaka w’imikino 2018/19, akaza no kugirirwa icyizere agahabwa
inshingano zo kuyobora bagenzi be mu kibuga nka kapiteni.
Tariki
ya 28 Gicurasi 2020, nyuma y’imyaka ibiri akinira Rayon Sports, yayivuyemo ajya
muri Police FC.
Rutanga
abaye umunyarwanda wa Gatatu werekeje muri Yanga Africans kuko ahasanze Haruna
Niyonzima na Patrick Sibomana uzwi nka Papy.
Eng
RSS 
TANGA IGITECYEREZO