Urutonde rw'Abirabura 11 barimo na George Floyd bishwe barengana bigasembura imyigaragambyo muri Amerika

1.George Floyd

George Floyd ni umwirabura w'umunyamerika wasembuye imyigaragambyo y’Abanyamerika n’abandi batandukanye ku Isi bitewe n'urupfu rw'agashinyaguro yishwemo na Polisi. Yapfuye nyuma y'aho Umupolisi wo muri Minneapolis amunigishije Ivi hafi imonota icyenda yose birangira ahasize ubuzima. Abirabura bo muri Amerika babifashe nabi cyane maze imijyi myinshi yo muri Amerika, i Burayi n’ahandi bamagana ubugizi bwa nabi bugirirwa Abirabura batuye muri Amerika.

2.Trayvon Martin

Uyu mwirabura Trayvon Martin, yishwe kuwa 26 Gashyantare 2012. Yari umunyeshuri w'umwirabura w'imyaka 17 y'amavuko. Yishwe arashwe na George Zimmerman mu mujyi wa Sanford mu ntara ya Florida.

Martin Trayvon yari yagiye gusura bagenzi be, ageze kuri bariyeri ahura na Zimmerman wari usanzwe ucunga umutekano ku muhanda, ni ko kurasa Trayvon arapfa. Mu mwaka wa 2013, ubuyobozi bwavuze ko uyu Mupolisi Zimmerman nta cyaha afite bibabaza abirabura benshi.

3.Eric Garner

Uyu mwirabura witwa Eric Garner yishwe kuwa 17 Nyakanga muri 2014. Yishwe nyuma y'uko umupolisi, Daniel Pantaleo, amunyukanyukiye hasi mu mujyi wa New York, akaba yaramuzizaga ko ari kugurisha itabi mu buryo bunyuranije n’amategeko.

4.Michael Brown

Michael Brown wari ufite imyaka 18 y'amavuko, yishwe tariki 9 Kanama 2014. Yishwe n'umupolisi Darren Wilson mu gace ka Ferguson mu ntara ya Missouri. Uyu nawe yishwe ashinjwa kuba yari yibye itabi.

5.Walter Scott

Walter Scott wari ufite imyaka 50 y'amavuko, yishwe tariki 4 Mata 2015. Uyu mwirabura yiswe arashwe n'umupolisi w'umuzungu Michael Slagger inshuro eshanu mu gihe yari arimo ariruka amuhunga, hari mu gace ka Charleston mu Majyepfo ya Caroline.

6.Freddie Gray

Fred Gray yishwe tariki 12 Mata 2015. Yafashwe aketswe ko afite imbunda nyuma Abapolisi bamusatse bamusangana inkota mu mufuko we. Yararashwe ajyanwa mu bitaro birangira apfuye.

7.Sandra Bland

Sandra Bland yiswe tariki 13 Nyakanga muri 2015. Yishwe ari hafi yo gutangira akazi ke muri Texa. Yari afite imyaka 28 y'amavuko. Yahagaritswe n'umupolisi mu ntara ya Texas. Uyu mupolisi witwa Brian Encinia yishe uyu mwirabura amuziza kwica amategeko y’umuhanda.

8. Philando Castile

Philando Castile yarashwe tariki 6 Nyakanga 2016, araswa n'umupolisi witwa Jeronimo Yanez nyuma y'uguhagarikwa n'igipolisi muri Minnesota. Yarashwe bamusanganye imbunda maze ahamya ko yemerewe kuyitunga, birangira arashwe.

9.Botham Jean

Jean Botham wari ufite imyaka 26, yarashwe kuya 6 Nzeli 2018, yicirwa mu nzu iwe n'umupolisi w'umuzungu. Icyo gihe uyu mwirabura yari ari mu karuhuko. Uwo mupolisi witwa Amber Guyger avuga ko yinjiye mu nzu ya Jean Botham yibeshye ko yinjiye iwe, ari naho yahise amwica atekereza ko ari igisambo.

10.Atatiana Jefferson

Atatiana Jefferson yishwe kuwa 13 Ukwakira 2019. Yari umunyeshuri w'imyaka 28 w'amavuko wari urimo kwigira ubuganga akaba yararashwe ari mu cyumba cye mu gace ka Forth Worth, Dallas. Yarashwe n'umupolisi witwa Aaron Dean.

11.Breonna Taylor

Breonna Taylor yarashwe kuwa 13 Werurwe mu 2020. Uyu mwirabura wari ufite imyaka 26, yari umuganga, akaba yararashwe amasasu umunani igihe abapolisi binjiye mu nzu ye ahitwa Louisville, Kentucky. Abapolisi binjiye kwa Atatiana bashaka ibiyobyabwenge gusa ntibabibonye.

Iyo Abanyamerika cyane cyane Abirabura baba muri Amerika basubije amaso inyuma bibuka aba bantu bose ari byo byatumye nyuma y’iyicwa rya George Flody bigaragambya bamagana uburyo Abirabura bicwa bazira akarengane.