Donald Trump umwe mu bayobozi bari kuvugwa cyane muri iyi minsi kuri iyi nshuro yatangaje ko Leta Zunze Ubumwe za Amerika zahagaritse imikoranire n'ishami ry'Umuryango w'Abibumbye ryita ku Buzima (OMS/WHO). Trump ashinza u Bushinwa gukwirakwiza icyorezo binyuze kubeshya OMS nayo ikabwumvira.
Peresida
Donald Trump ni kenshi yamye avuga ko iri shami rya OMS ryananiwe gukurikirana
u Bushinwa ku bijyanye n’amakuru y’inkomoko, no gukwirakwira kwa Covid-19.
Ingingo Trump ashingiraho avuga ko OMS
yananiwe guhana u Bushinwa yabivuze agira ati: "U Bushinwa bugenzura ishami
ry'umuryango w'abibumbye ryita ku buzima ryose uko ryakabaye". Yavuze ko
inkunga Amerika yageneraga OMS izayishyira mu yindi miryango.
Amerika ni
cyo gihugu cya mbere ku isi gitera inkunga nyinshi cyane OMS, mu mwaka ushize
wa 2019 ikaba yarahaye OMS irenga miliyoni 400 z'amadolari.
Nyakubaha Trump
ari guharanira kongera gutorwa ku yindi manda muri uyu mwaka kandi akomeje
kunengwa ku buryo na we yitwaye mu guhangana na coronavirus muri Amerika.
Yakomeje
kunenga Ubushinwa avuga ko bwahishiriye amakuru y'ingenzi ajyanye na
coronavirus ubwo yadukaga mu mwaka ushize. Muri Amerika, abantu barenga 102,000
bamaze kwicwa na Covid-19.
Avugira mu
busitani bwa Rose Garden bwo mu nyubako y'ibiro bye bya White House, Bwana
Trump yaraye agize ati: "Uyu munsi turahagarika umubano w'imikoranire yacu
n'ishami ry'umuryango w'abibumbye ryita ku buzima inkunga tuyohereze
ahandi". "Ubu isi iri mu kaga kubera imikorere mibi ya leta
y'Ubushinwa".
Yongeyeho ko
Ubushinwa "bwateje icyorezo ku isi kimaze guhitana ubuzima bw'Abanyamerika
barenga 100,000".
Perezida
Trump yashinje Ubushinwa kotsa igitutu OMS ngo "iyobye isi" ku
bijyanye n'iyi virusi. Ubushinwa bwashinje Amerika ko ari yo yo kuryozwa
ikwirakwira rya coronavirus ku butaka bwayo, buvuga ko byatewe n'abanyapolitiki
bo muri Amerika "babeshya". Ibihugu binyamuryango bya OMS
byemeranyijwe gukora iperereza ryigenga ku buryo iki cyorezo cyarwanyijwe ubyo
cyadukaga.
TANGA IGITECYEREZO