Umuyobozi w’Igipolisi muri Afrika y'Epfo, Jenerali Majoro Leon Rabie, mu kiganiro yatanze ku wa gatatu, yemeje umubare w’Abapolisi
bamaze kwandura Covid-19. Yasobanuye ko abapolisi 2,917 bapimwe
COVID-19, abagera kuri 1,795 basanga ari bazima nta bwandu bafite bwa
Covid-19 mu gihe 103 basanzwemo iki cyorezo.
Ikinyamakuru Tuko gitangaza ko Abayobozi barenga 1,000 bashyizwe mu kato. Mu Bapolisi 103 basanzwemo Coronavirus, abagera ku 10 bamaze gukira. Rabie yasobanuye ko inyubako za polisi 45 zimuwe naho inyubako akaba ari zo 39 zigaragaramo
abanduye.
Yagize ati: "Bitewe
n’ubwiyongere bw’ubwandu bisa n’ibiteye ubwoba. Usibye ingamba zo gukumira
zashyizwe mu bikorwa ariko iracyaduca mu rihumye, ubwandu n’ingaruka ku bakozi ". Yavuze ko hafashwe ingamba zo kugabanya abakozi.
Twabibutsa ko muri Afurika y’Epfo iki cyorezo
cyahigaruriye cyane kurenza ahandi muri Afurika kuko abagera kuri 5,647 barayanduye, 2,073 barayikira mu gihe abamaze gupfa ari 103.