RFL
Kigali

Davido yatangaje ko umugore we yakize Coronavirus

Yanditswe na: Janvier Iyamuremye
Taliki:20/04/2020 9:15
0


Umuhanzi w’umunya-Nigeria Davido yatangaje ko ibizamini by’abaganga byagaragaje ko umugore we Chioma yakize icyorezo cya Covid-19 giterwa na Coronavirus yari amaranye iminsi.



Tariki 27 Werurwe 2020 nibwo Davido yatangaje ko yishyize mu kato nyuma y’uko umugore we Chioma Rowland yanduye icyorezo cya COVID-19 kimaze kwandurwa n’abarenga miliyoni 2 ku Isi.

Uyu muhanzi yavuze ko ubwo yavaga muri Leta Zunze Ubumwe za Amerika asubitse ibitaramo kubera Covid-19, umugore we n’umwana we bari bavuye mu Mujyi wa London mu Bwongereza.

Avuga ko nta bimenyetso bya COVID-19 bombi bagaragazaga, gusa ngo bitewe n’ingendo bari baherutse kugirira mu bihugu bitandukanye biyemeje kujya kwipimisha.  

Davido avuga ko bapimwe ku wa 25 Werurwe 2020, ibizamini bigaragaza ko umugore we yanduye COVID-19, abandi 31 basuzumwe bigaragara ko ari bazima barimo n’umwana we.

Mu ijoro ry’uyu wa 19 Mata 2020 Davido yatangaje ko nyuma y’ibyumweru bitatu umugore we Chioma yitabwaho n’abaganga yakize icyorezo cya Covid-10, ashima Imana n’abandi bamuzirikanye mu masengesho.  

Yagize ati “Imana ihabwe icyubahiro. Chioma yasuzumwe inshuro ebyiri basanga yarakize Covid-19. Mwakoze ku bw’amasengesho yanyu. Turabakunda.”

Muri Nzeri 2019 ni bwo Davido yateye ivi yambika impeta umukunzi we Chioma mu birori by’umusangiro byabereye muri resitora (restaurant) iherereye mu Mujyi wa London mu Bwongereza.  

Uyu muhanzi yatangiye urugendo rushya n’umukunzi we hashize iminsi icumi amwerekanye mu muryango we mu birori byabereye ahitwa Rowland mu Mujyi wa Lagos muri Nigeria.

Urukundo rwa Davido rwitamuruye ubwo Chioma yizihizaga isabukuru y’amavuko y’imyaka 23 mu mwaka wa 2018. Ibi byatumye Davido anashyira hanze indirimbo yise "Assurance" yahimbiye umukunzi we ndetse yanamuhaye impano y’imodoka yo mu bwoko bwa Porsche.

Umugore wa Davido yakize Covid-19 nyuma y’ibyumweru bitatu yitabwaho n’abaganga

Davido yashimye Imana n'abandi bazirikanye umugore we mu masengesho






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND