RFL
Kigali

#Kwibuka26: Oda Paccy yasohoye indirimbo 'Mpore Rwanda' asaba abahanzi gufasha mu isanamitima-YUMVE

Yanditswe na: Janvier Iyamuremye
Taliki:13/04/2020 13:14
0

Umuraperikazi Oda Paccy, yasohoye indirimbo nshya yise “Mpore Rwanda” mu rwego rwo kwifatanya n’Abanyarwanda ndetse n’inshuti Rwanda kwibuka ku nshuro ya 26 Jenoside yakorewe Abatutsi muri Mata 1994.



Uzamberumwana Pacifique [Oda Paccy] avuga ko yasohoye iyi ndirimbo “Mpore Rwanda” kugira ngo ibe irumuri inahumurize Abanyarwanda muri iki gihe bibuka baniyubaka. 

Oda Paccy avuga ko Jenoside yasize ibikomere ku mutima ya benshi, itwara ubuzima bwa benshi agahoza u Rwanda rwabuze abana.

Avuga ko nyuma y’imyaka 26 ishize u Rwanda rugisana imitima y’abarwo, hari aho aririmba agira ati “Ingaruka z’uko tutabareba n’ubu twese ziratuzonga ni nayo mpamvu kubibuka bitureba twese nk’Abanyarwanda. Tuzabatura rugira Imana yabisubije ibakunze, tuzabatura amasengesho na kera gusenga byari intwaro,”

Uyu muhanzikazi avuga ko ubumwe, amahoro n’ubwiyunge bikwiye kuganza kugira ngo u Rwanda rushya rweme. Ati “Mpore Rwanda, mpore nyakuganza, Jenoside ntigasubire.” 

Avuga ko muri iki gihe u Rwanda rwibuka ku nshuro ya 26 Jenoside, “amateka yacu ariyo akwiye kutugira abo turi bo tuzayigireho twubaka u Rwanda ruzima kandi duharanira kwibuka twiyubaka.”

Oda Paccy avuga ko muri iki gihe umuhanzi asabwa guhumuriza abandi no kubakomeza binyuze mu mpano afite.

Ati "Kuko twumva na benshi dusabwa gutanga ubutumwa bwubaka kandi busana, impano yacu tukayikoresha ibyiza, tukabiba imbuto y'urukundo mu banyarwanda no ku babarirana."

Yavuze ko abahanzi bakwiye kwibutsa ko kwibuka bitavuze guheranwa n'ishavu ahubwo ko 'ari ukwibuka ubutwari bw'abacu ndetse tuniyubaka'.

Oda Paccy yasohoye indirimbo nshya yise "Mpore Rwanda" asaba abahanzi bagenzi be kugira uruhare mu isanamitima

KANDA HANO WUMVE INDIRMBO "MPORE RWANDA" YA ODA PACCY

">






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND