Guhera mu cyumweru gitaha abakinnyi n’abakozi ba FC Barcelone muri rusange bashobora kugabanyirizwa imishahara mu rwego rwo kwirinda ko ubukungu bw’iyi kipe y’ubukombe ku Isi bwahungabana kubera icyorezo cya Coronavirus cyugarije abatuye Isi.
Ku
wa Gatanu tariki ya 20 Werurwe 2020, abayobozi ba Barcelona bakoze inama
hifashishijwe ikoranabuhanga ry’amashusho, mu byo baganiriye harimo kugabanya
imishahara y’abakinnyi n'ubwo kubishyira mu bikorwa bisaba ibiganiro hagati y’impande
zombi yewe no ku bijyanye n’amasezerano y’abakozi b’iyi kipe.
Impamvu
y'uyu mwanzuro ni uko inzira zose iyi kipe yinjizagamo amafaranga zose zifunze
kubera icyorezo cya Coronavirus.
Iyi
kipe yari imenyereweho kubona amafaranga menshi avuye mu kugurisha abakinnyi
benshi baba barazamukiye mu irerero ryayo, bisa nk'aho muri iyi myaka byasubiye
hasi cyane kuko nta musaruro uri guturuka mu iri rerero nka mbere, ikindi
kinjizaga amafaranga muri iyi kipe ni inzu ndangamurage yayo, nabyo bikaba
byarahagaze kubera Coronavirus.
Mu
rwego rwo guhangana n’ihungabana ry’ubukungu rishobora kuzaturuka kuri iki
cyorezo kandi no mu busanzwe bitari byifashe neza muri iyi minsi, abakoZi b’iyi
kipe bashobora kuzagabanyirizwa imishahara.
Ubuyobozi
bw’iyi kipe bufite icyizere ko bitazagorana kubera ko n’abakinnyi ubwabo babona
ikibazo gihari kandi ko bari guhembwa badakora, bityo nabo bakazafata iya mbere
mu ishyirwa mu bikorwa ry’iki cyemezo.
Itegeko
rigenga umurimo muri Espagne ryemerera ibigo kwirukana abakozi mu gihe runaka
mu bihe bidasanzwe, rikabitegeka kongera guha akazi abirukanwe igihe ibyo bihe
bidasanzwe bitakiriho.
Imishahara
y’abakinnyi b’ikipeya FC Barcelone ya mbere isaga 70% by’imishahara yose
y’ikipe. Barcelone yishyura miliyoni 593£ ku makipe yayo yose, aho miliyoni 468
£ zihabwa ikipe y’Umupira w’amaguru gusa.
TANGA IGITECYEREZO